ఆర్ ఎక్స్ 100 సినిమాతో టాలీవుడ్ ఇండస్ట్రీకి పరిచయమైన పాయల్ రాజ్ పుత్ తొలి సినిమాతోనే హీరోయిన్ గా మంచి మార్కులు వేయించుకున్నారు. ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచిందనే సంగతి తెలిసిందే. అయితే పాయల్ రాజ్ పుత్ తర్వాత రోజుల్లో మరిన్ని సినిమాల్లో నటించినా ఆ సినిమాలు ఆశించిన రేంజ్ లో సక్సెస్ సాధించలేదు. మంగళవారం సినిమాపైనే పాయల్ ఆశలు పెట్టుకున్నారు.
ఈ సినిమా సక్సెస్ సాధిస్తే మాత్రమే పాయల్ రాజ్ పుత్ కు పూర్వ వైభవం వచ్చే ఛాన్స్ అయితే ఉంటుంది. అయితే పాయల్ ఈ సినిమాలో వెరైటీ రోల్ లో కనిపించనున్నారని సమాచారం అందుతోంది. విచిత్రమైన ట్విస్ట్ ఈ సినిమాకు హైలెట్ కానుందని భోగట్టా. కోరికలు ఎక్కువగా ఉండే అమ్మాయిగా పాయల్ ఈ సినిమాలో కనిపిస్తారని సమాచారం. నవంబర్ నెల 17వ తేదీన ఈ సినిమా థియేటర్లలో విడుదల కానుంది.
ఈ సినిమా ప్రీ రిలీజ్ ఈవెంట్ కు బన్నీ వచ్చే ఛాన్స్ ఉందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. ఊరిలో జరిగే ఘోరాలకు పాయల్ కారణమని షాకింగ్ ఎలిమెంట్స్ తో ఈ సినిమా తెరకెక్కిందని తెలుస్తోంది. విరూపాక్ష రేంజ్ హిట్ గా ఈ సినిమా నిలుస్తుందేమో చూడాలి. అజయ్ భూపతి కెరీర్ కు కూడా ఈ సినిమా కీలకమని చెప్పవచ్చు.
మంగళవారం (Mangalavaram) సినిమా రికార్డులు క్రియేట్ చేస్తుందేమో చూడాలి. సాధారణంగా నవంబర్ నెలలో విడుదలైన సినిమాలు ఎక్కువ మొత్తం కలెక్షన్లను సాధించవు. అయితే మంగళవారం మూవీ ఈ రికార్డ్ ను బ్రేక్ చేస్తుందేమో చూడాలి. పాయల్ రాజ్ పుత్ భవిష్యత్తు సినిమాలతో సైతం సంచలనాలు సృష్టించాలని ఫ్యాన్స్ భావిస్తున్నారు. పాయల్ రాజ్ పుత్ రెమ్యునరేషన్ పరిమితంగానే ఉందని తెలుస్తోంది.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
