Mani Ratnam: ‘స్పిరిట్‌’ వివాదం.. డైరక్టర్‌ని సపోర్ట్‌ చేయని మణిరత్నం.. ఏమన్నారంటే?

గత కొన్ని వారాలుగా ఇండియన్‌ సినిమాలో వినిపిస్తున్న అతి పెద్ద చర్చ.. వర్కింగ్‌ అవర్స్‌. రోజుకు ఎంతసేపు షూటింగ్‌లో పాల్గొనాలి అనేదే ఇక్కడ ప్రశ్న. ఈ నేపథ్యంలోనే ‘స్పిరిట్‌’ (Spirit) సినిమా నుండి కథానాయిక దీపిక పడుకొణె (Deepika Padukone) తప్పుకుంది అని అంటున్నారు. సినిమా టీమ్‌ నుండి అధికారికంగా ఆమె లేదు అని చెప్పారు తప్ప.. అసలు కారణం చెప్పలేదు. తాజాగా ఈ వర్కింగ్‌ అవర్స్‌ గురించి ప్రముఖ దర్శకుడు మణిరత్నం (Mani Ratnam) స్పందించారు.

Mani Ratnam

నటీనటులు రోజుకు ఎనిమిది గంటలు మాత్రమే షూటింగ్‌లో పాల్గొంటామని డిమాండ్‌ చేయడంలో తప్పు లేదని కుండ బద్దలు కొట్టారాయన. కమల్‌ హాసన్‌  (Kamal Haasan) ‘థగ్‌ లైఫ్’ (Thug Life) సినిమా ప్రచారంలో భాగంగా ఇటీవల మణిరత్నం ఇచ్చిన ఇంటర్వ్యూలో ఈ అంశం గురించి ప్రస్తావన వచ్చింది. దానికి ఆయన ఇది సరైన డిమాండే అంటాను నేను. అలా అడిగే స్థితిలో నటీనటులు ఉన్నందుకు సంతోషిస్తున్నాను అని కూడా చెప్పారు. తన వరకు వస్తే ఒక దర్శకుడిగా నేను ఈ అంశాన్ని పరిగణనలోకి తీసుకుంటాను అని చెప్పారు.

అలా అడగడంలో తప్పే లేదు అని కూడా అన్నారు. అంతేకాదు అందరూ ఈ విషయాన్ని అర్థం చేసుకొని.. అంగీకరించాలి అని కూడా చెప్పారు. ఈ మొత్తం వ్యవహారంలో ఎక్కడా దీపిక పడుకొణె పేరు, దర్శకుడు సందీప్‌ రెడ్డి వంగా (Sandeep Reddy Vanga)  పేరు రాలేదు కానీ.. మణిరత్నం సమాధానం ఇప్పుడు ‘స్పిరిట్’ విషయంలో మరో కోణంలో చర్చ జరిగే అవకాశం కల్పించింది.

అంత పెద్ద దర్శకుడు, అందులోనూ బాలీవుడ్‌ నటులతో పని చేసిన అనుభవం ఉన్న దర్శకుడు అలా అనడంతో ‘సందీప్‌ వంగా’ స్పిరిట్‌ కరెక్టేనా అనే ప్రశ్న మొదలైంది. తక్కువ సమయం పని చేస్తాను అంటే నచ్చితే సినిమాలోకి తీసుకోవాలి లేదంటే లేదు.. అలా ట్వీట్‌ వార్ ఎందుకు అంటున్నారు. మరోవైపు ‘స్పిరిట్‌’ సినిమా కథను లీకు చేస్తున్నారంటూ సందీప్‌ వంగా చేసిన కామెంట్స్‌ విషయంలోనూ ఫ్యాన్స్‌ కన్సర్న్‌ చూపిస్తున్నారు. సినిమా నచ్చకపోతే వెళ్లిపోవాలి తప్ప ఇలా లీకులేంటి అని కూడా అంటున్నారు.

‘ఆర్.ఆర్.ఆర్’ కి నాగార్జునకి ఉన్న లింక్ ఏంటో తెలుసా..!