Mani Ratnam Vs Shankar: మణిరత్నం vs శంకర్.. ఈసారి డామినేట్ చేసిందెవరు?

కోలీవుడ్ స్టార్ డైరెక్టర్స్ మణిరత్నం (Mani Ratnam) , శంకర్ కు  (Shankar) దక్షిణాది సినిమాల్లో విపరీతమైన క్రేజ్ ఉందని ప్రత్యేకంగా చెప్పనక్కర్లేదు. తెలుగు ప్రేక్షకుల్లో కూడా ఈ ఇద్దరు దర్శకులకు పటిష్టమైన ఫ్యాన్ బేస్ ఉంది. ముఖ్యంగా తెలుగులో తమిళ సినిమాల ప్రభావాన్ని ఈ ఇద్దరూ పెంచారు. రోజా (Roja) , బొంబాయి (Bombay), సఖి, జెంటిల్ మేన్ వంటి బ్లాక్ బస్టర్ సినిమాలతో మణిరత్నం, శంకర్ ప్రేక్షకులను మెప్పించారు. తెలుగు సినీ లవర్స్ కు తమిళ సినిమాలపై ఆసక్తిని రేకెత్తించారు.

Mani Ratnam Vs Shankar:

అయితే, గత కొంతకాలంగా శంకర్ తీస్తున్న సినిమాలు ఆశించిన స్థాయిలో సక్సెస్ అందుకోవడం లేదు. రీసెంట్ గా వచ్చిన ఇండియన్-2 (Indian 2) భారీ అంచనాల మధ్య విడుదలై నిరాశపరిచింది. పాత కథ, బలహీనమైన విజువల్స్ వంటి అంశాలు ఈ సినిమాను డిజాస్టర్ దిశగా నడిపాయి. మరోవైపు, మణిరత్నం తన సినిమాల్లో కొత్తదనానికి ప్రాధాన్యం ఇస్తూ, ప్రేక్షకుల అభిరుచులకు అనుగుణంగా మారడానికి ప్రయత్నిస్తున్నారు. అందులో భాగంగా పొన్నియన్ సెల్వన్ సినిమాతో డీసెంట్ హిట్ అందుకున్నారు.

ప్రస్తుతం ఈ ఇద్దరూ ప్రతిష్టాత్మక ప్రాజెక్టులతో బిజీగా ఉన్నారు. శంకర్ రామ్ చరణ్ (Ram Charan)  తో కలిసి గేమ్ ఛేంజర్  (Game Changer) చిత్రాన్ని తెరకెక్కిస్తుండగా, మణిరత్నం కమల్ హాసన్ తో (Kamal Haasan)  కలిసి థగ్ లైఫ్ (Thug Life)  ప్రాజెక్ట్ పై వర్క్ చేస్తున్నారు. ఈ రెండు సినిమాల టీజర్లు ఒకదాని తర్వాత ఒకటి ప్రేక్షకుల ముందుకు వచ్చాయి. రెండు రోజుల క్రితం విడుదలైన థగ్ లైఫ్ టీజర్ ప్రేక్షకులందరిలోనూ అంచనాలు పెంచింది. విశేషమైన క్యాస్టింగ్, విజువల్స్, యాక్షన్ సీన్స్ ఈ టీజర్‌ను ప్రత్యేకంగా నిలిపాయి.

దీనికి సమాంతరంగా రామ్ చరణ్ ప్రధాన పాత్రలో శంకర్ తెరకెక్కించిన గేమ్ ఛేంజర్ టీజర్ కూడా విడుదలైంది. టీజర్ లో చరణ్ క్యారెక్టర్ వైవిధ్యం ఆకట్టుకున్నా, ఆడియన్స్ లో మాత్రం ఆశించిన స్థాయిలో ఆసక్తి రేకెత్తించలేకపోయింది. కొందరు నెటిజన్లు గేమ్ ఛేంజర్ టీజర్ లో కొత్తదనం లేదని, థగ్ లైఫ్ తో పోల్చి చూస్తూ మణిరత్నం టేకింగ్ ను శంకర్ కూడా ఫాలో అయితే బెటర్ అవుతుందని అభిప్రాయపడ్డారు.

ఇక ఈ రెండింటి టీజర్లకు వచ్చిన స్పందన చూస్తుంటే, మణిరత్నం తన వయస్సు దాటినా సరికొత్త కంటెంట్ తీసుకురావడానికి ఎప్పటికీ వెనుకాడడం లేదని, శంకర్ కూడా తన స్టైల్‌లో మార్పులు చేసుకుంటే మరింత ఆకర్షణీయంగా ఉంటుందని అంటున్నారు. మరి ఈ ప్రతిష్టాత్మక ప్రాజెక్టులు థగ్ లైఫ్, గేమ్ ఛేంజర్ ప్రేక్షకుల అంచనాలను ఎలా అందుకుంటాయో వేచి చూడాలి.

పవన్ కళ్యాణ్ సాంగ్.. ప్రభాస్ కు పిచ్చట!