Mohanlal: మరో మలయాళ సినిమా రీమేక్ కానుందా..?

మలయాళ స్టార్ హీరో మోహన్ లాల్ తో ‘లూసిఫర్’ అనే సినిమాను తెరకెక్కించారు నటుడు పృథ్వీరాజ్ సుకుమారన్. హీరోగానే కాకుండా.. తనలో మంచి దర్శకుడు కూడా ఉన్నాడని నిరూపించుకున్నాడు. ‘లూసిఫర్’ సినిమా సూపర్ హిట్ అవ్వడమే కాదు.. ఇప్పుడు తెలుగులో కూడా రీమేక్ అవుతుంది. ‘లూసిఫర్’ కాంబినేషన్ లో ఆ సినిమాకి సీక్వెల్ తీసే ఆలోచన కూడా ఉందట. ఆ సంగతి పక్కన పెడితే.. ఇప్పుడు ఈ కాంబినేషన్ లో మరో సినిమా రాబోతుంది.

‘బ్రో డాడీ’ పేరుతో ఈ సినిమాను తెరకెక్కించారు. ఈ సినిమాను డైరెక్ట్ చేయడంతో పాటు కీలకపాత్ర పోషిస్తున్నారు పృథ్వీరాజ్ సుకుమారన్. రీసెంట్ గా సినిమా ట్రైలర్ కూడా వచ్చింది. ఇదొక ఫ్యామిలీ ఎంటర్టైనర్ అని తెలుస్తోంది. ఇందులో మోహన్ లాల్ తండ్రి పాత్రలో నటిస్తుండగా.. పృథ్వీరాజ్ కొడుకుగా కనిపించబోతున్నాడు. అయితే చూడడానికి వీరిద్దరూ అన్నదమ్ముల్లా ఉండడంతో అందరూ అలానే అనుకుంటూ ఉంటారు. దీన్నే టైటిల్ గా పెట్టారు. బ్రదర్ లాంటి తండ్రి..

తన కొడుకు జీవితంలో పెళ్లికి సంబంధించిన కాంప్లికేషన్స్ ఎలా డీల్ చేశాడో ట్రైలర్ లో చూపించారు. ఇందులో మోహన్ లాల్ కి జోడీగా మీనా నటించింది. కళ్యాణి ప్రియదర్శన్ హీరోయిన్ గా నటిస్తోంది. ట్రైలర్ ఇంట్రెస్టింగ్ గా ఉండడంతో ఇప్పుడు ఈ సినిమాను రీమేక్ చేసే అవకాశాలు ఉన్నాయని వార్తలొస్తున్నాయి. ఇప్పటికే మలయాళంలో హిట్ అయిన చాలా సినిమాలను తెలుగులో రీమేక్ చేస్తున్నారు. ఓటీటీలో విడుదల కానున్న ‘బ్రో డాడీ’కి మంచి రెస్పాన్స్ వస్తే.. దీని స్పాన్ పెంచేసి తెలుగులో రీమేక్ చేయడం ఖాయం. మరేం జరుగుతుందో చూడాలి!

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!

Share.