Naga Chaitanya, Meenakshi: నాగచైతన్య బిగ్ ప్రాజెక్టులో లక్కీ హీరోయిన్!

అక్కినేని నాగచైతన్య  (Naga Chaitanya)  ప్రస్తుతం తన కెరీర్‌లోనే భారీ బడ్జెట్‌తో రూపొందుతున్న తండేల్ (Thandel) సినిమా పనుల్లో బిజీగా ఉన్నాడు. చందూ మొండేటి (Chandoo Mondeti) దర్శకత్వంలో రూపొందుతున్న ఈ చిత్రం నాగచైతన్య కెరీర్‌లో మరో బిగ్గెస్ట్ హిట్ గా నిలుస్తుందని చెబుతున్నారు. నవంబర్ చివరి నాటికి ఈ ప్రాజెక్ట్ పూర్తి చేసేందుకు చిత్రబృందం ప్రణాళికలు సిద్ధం చేస్తోంది. ఈ ప్రాజెక్ట్ ముగిసిన వెంటనే చైతన్య, ఒక మిస్టరీ థ్రిల్లర్ ప్రాజెక్ట్‌పై దృష్టి పెట్టబోతున్నాడు. విరూపాక్ష (Virupaksha) ఫేమ్ కార్తిక్ వర్మ దండు (Karthik Varma Dandu) దర్శకత్వం వహించబోయే ఈ చిత్రానికి సంబంధించి కొత్త అప్డేట్ వచ్చింది.

Naga Chaitanya, Meenakshi:

ఈ మిస్టిక్ థ్రిల్లర్‌లో కథానాయికగా మీనాక్షి చౌదరిని (Meenakshi Chaudhary)  ఎంపిక చేసినట్లు సమాచారం. ఇటీవల లక్కీ భాస్కర్ తో (Lucky Baskhar)  మంచి హిట్ అందుకున్న మీనాక్షి ఇప్పుడు చైతన్యతో జత కట్టనుంది. ఈ ప్రాజెక్ట్ డిసెంబర్ 11న హైదరాబాద్‌లో పూజా కార్యక్రమాలతో ప్రారంభం కానుంది. మీనాక్షి పాత్ర ఈ కథలో చాలా కీలకమని చిత్ర బృందం చెబుతోంది. ఈ చిత్రంలో మరో కథానాయిక పాత్రకు కూడా ప్రాధాన్యం ఉండబోతోంది. ఆ పాత్ర కోసం పూజా హెగ్డేను (Pooja Hegde) సంప్రదించినట్లు టాలీవుడ్ వర్గాలు చెబుతున్నాయి.

ఈ సినిమా అద్భుతమైన కథనంతో పాటు విశేషమైన విజువల్స్‌తో ప్రేక్షకుల ముందుకు రాబోతోంది. విరూపాక్ష తరహాలోనే ఇది కూడా థ్రిల్, సస్పెన్స్ కలిగించే చిత్రంగా రూపొందనుందని సమాచారం. ఈ చిత్రాన్ని బీవీఎస్ఎన్ ప్రసాద్ (B. V. S. N. Prasad)  నిర్మిస్తున్నారు. ప్రత్యేక మిస్టిక్ థ్రిల్లర్‌గా రూపుదిద్దుకుంటున్న ఈ ప్రాజెక్ట్ వచ్చే ఏడాది చివరలో రిలీజ్ కానుందట.

నాగచైతన్యకు (Naga Chaitanya) ఇది మరో వైవిధ్యమైన ప్రాజెక్ట్ అని చెప్పొచ్చు. తండేల్‌తో తన మార్కెట్‌ను మరింత పెంచుకోగలిగితే, ఈ ప్రాజెక్ట్‌తో కొత్త స్థాయికి వెళ్తాడని అభిమానులు ఆశిస్తున్నారు. తండేల్ నిర్మాతలు ఇప్పటికే విడుదల తేదీపై కసరత్తు చేస్తుండగా, ప్రీ-ప్రొడక్షన్ దశకు సంబంధించిన పనులు వేగంగా జరుగుతున్నాయి.