నితిన్ హిట్టు కొట్టి చాలా కాలం అయ్యింది. 2020 లో వచ్చిన ‘భీష్మ’ తో హిట్ కొట్టాడు నితిన్. కానీ ఆ తర్వాత అతను చేసిన ‘చెక్’ సినిమా డిజాస్టర్ కాగా, ‘రంగ్ దే’ సినిమా యావరేజ్ ఫలితంతో సరిపెట్టుకుంది. ఆ తర్వాత ‘మాస్ట్రో’ ఓటీటీ రిలీజ్ అయ్యి సేఫ్ అయ్యింది. గత ఏడాది వచ్చిన ‘మాచర్ల నియోజకవర్గం’ అయితే మంచి ఓపెనింగ్స్ ను రాబట్టినప్పటికీ ఫైనల్ గా డిజాస్టర్ గానే మిగిలింది.
ఈ ఏడాది ఇంకా నితిన్ నుండి ఏ సినిమా రాలేదు. డిసెంబర్లో ‘ఎక్స్ట్రా’ సినిమా రాబోతుంది. వక్కంతం వంశీ ఈ చిత్రానికి దర్శకుడు. అతనికి ఇది రెండో సినిమా. మొదటి సినిమా ‘నా పేరు సూర్య నా ఇల్లు ఇండియా’ అంతగా ఆడలేదు.కాబట్టి నితిన్ తో పాటు వక్కంతం వంశీకి కూడా ఈ సినిమా కీలకంగా మారింది. డిసెంబర్ 8 న రిలీజ్ కావాల్సిన ఈ చిత్రానికి సంబంధించిన టీజర్, ట్రైలర్ వంటివి ఇంకా బయటకు రాలేదు.
అయితే ఈ సినిమాలో సీనియర్ నటుడు రాజశేఖర్ కూడా కీలక పాత్ర చేస్తున్నారు. అందువల్ల ఈ ప్రాజెక్టు పై ప్రేక్షకుల్లో ఆసక్తి పెరిగింది. ఇన్సైడ్ టాక్ ప్రకారం ఈ సినిమాలో ఫ్యామిలీ అండ్ మాస్ ఎలిమెంట్స్ పర్ఫెక్ట్ గా సెట్ అయ్యాయట. సో సినిమాకి బాక్సాఫీస్ వద్ద పాస్ మార్కులు పడే ఛాన్స్ అయితే ఉంది. ఇది కనుక హిట్ అయితే.. తర్వాత వెంకీ కుడుముల, వేణు శ్రీరామ్ వంటి సక్సెస్ ఫుల్ డైరెక్టర్స్ తో సినిమాలు చేస్తున్నాడు కాబట్టి.. (Nithiin) నితిన్ ఫామ్లోకి వచ్చే అవకాశాలు ఎక్కువగా ఉన్నాయి.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home
