యంగ్ టైగర్ జూనియర్ ఎన్టీఆర్ హోస్ట్ గా ప్రసారమవుతున్న ఎవరు మీలో కోటీశ్వరులు సోమవారం ఎపిసొడ్ కు రాజమౌళి, కొరటాల శివ గెస్ట్ లుగా హాజరైన సంగతి తెలిసిందే. ఈ షోలో ఎన్టీఆర్ మాట్లాడుతూ ఆర్ఆర్ఆర్ సినిమాకు సంబంధించి ఆసక్తికర విషయాలను వెల్లడించారు. త్వరగా ఆర్ఆర్ఆర్ విడుదలైతే ప్రేక్షకులతో పాటు తాను కూడా ఆ సినిమాను చూడటానికి ఎదురుచూస్తున్నానని తారక్ చెప్పుకొచ్చారు. ఉక్రెయిన్ షెడ్యూల్ లో రాజమౌళి తాట తీశారని ఎన్టీఆర్ అన్నారు.
మమ్మల్ని ఏ రేంజ్ లో రాజమౌళి టార్చర్ చేశారో ఆర్ఆర్ఆర్ విడుదలైన తర్వాత ప్రేక్షకులు చూస్తారని తారక్ చెప్పారు. రాజమౌళి వెంటనే టార్చర్ ఆడియన్స్ కు ఎందుకు తెలుస్తుందని కామెంట్ చేయగా ఆ టార్చర్ మేమే తీసుకోవాలని తారక్ చెప్పుకొచ్చారు. రాజమౌళి మాట్లాడుతూ ఆర్ఆర్ఆర్ పోస్ట్ ప్రొడక్షన్ పనులు వేగంగా జరుగుతున్నాయని వెల్లడించారు. ఆర్ఆర్ఆర్ మూవీలో తన భాగం షూటింగ్ పూర్తైందని తనకు సంబంధించిన ప్యాచ్ వర్క్ పనులు కూడా పూర్తయ్యాయని తారక్ తెలిపారు.
రాజమౌళి, కొరటాల శివ షోలో తారక్ అడిగిన ప్రశ్నలకు సమాధానాలు చెప్పి ఏకంగా 25 లక్షల రూపాయలు గెలుచుకున్నారు. రాజమౌళి గెలుచుకున్న మొత్తాన్ని హైదరాబాద్ లోని స్పర్శ్ హాస్పైస్ కు డొనేట్ చేయగా కొరటాల శివ 50 శాతం స్పర్శ్ హాస్పైస్ కు 50 శాతం రామకృష్ణ మఠానికి డొనేషన్ ఇచ్చారు. ఎన్టీఆర్, కొరటాల శివ కాంబో మూవీ వచ్చే నెల నుంచి సెట్స్ పైకి వెళ్లనుంది. త్వరలో ఈ సినిమాలో నటించే హీరోయిన్, ఇతర సాంకేతిక నిపుణులకు సంబంధించిన వివరాలు తెలిసే అవకాశం ఉంది.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
