Paradise: విలన్ల కౌంట్‌ ఇలా పెరిగిపోతోందేంటి ఓదెల.. అసలు నీ ప్లానేంటి?

తెలుగు సినిమాల్లో మా సినిమా ఇంకో లెక్క.. అనేలా ఉంటుంది అని ‘ప్యారడైజ్‌’ సినిమా టీమ్‌ చాలా రోజులుగా చెబుతోంది. నానిని ఇప్పటివరకు ఎవరూ చూపించని విధంగా పాత్ర ఉంటుందని, కథ – కథనం కూడా అలానే ఉంటాయని చెబుతూ వస్తున్నారు. ఏదో సినిమా గురించి గొప్పగా చెప్పాలి కాబట్టి అలా చెబుతున్నారు అని అనుకోవచ్చు అని కొందరు లైట్‌ తీసుకుంటున్నారు. అలాంటి వారికి ఈ విషయం ఓసారి గుర్తు చేస్తే సినిమా సత్తాను కాస్త ఊహించొచ్చు. అదే ఈ సినిమాలోని విలన్లు.

Paradise

కావాలంటే మీరే ఈ సినిమా కాస్టింగ్‌ చూడండి. రోజురోజుకు ఈ సినిమాలో విలన్ల బలం పెరిగిపోతుంది. నెగిటివ్ రోల్స్ కోసం దర్శకుడు శ్రీకాంత్‌ ఓదెల ఎంచుకుంటున్న నటులు సినిమాపై ఆసక్తిని మరింత పెంచేస్తున్నారు. ఈ సినిమా మెయిన్‌ విలన్‌ రోల్‌లో మోహన్‌బాబును ఎంపిక చేసి షాక్‌ ఇచ్చారు దర్శకుడు. ఇక బాలీవుడ్ యాక్టర్ రాఘవ్ జుయల్ ఈ సినిమాలో ప్రధాన విలన్లలో ఒకరిగా నటిస్తున్నారు. ‘కిల్’ సినిమాలో ఆయన క్రూరమైన విలనిజాన్ని చూసి కోపం తెచ్చుకోనివాళ్లు లేరు.

ఈ ఇద్దరే అనుకుంటే సీనియర్ నటుడు తనికెళ్ల భరణి కూడీ ఈ ఈ సినిమాలో ఒక పవర్‌ఫుల్ విలన్ పాత్రలో కనిపిస్తారని తేలింది. చాలా ఏళ్ల తర్వాత పవర్‌ఫుల్ నెగిటివ్ రోల్‌లో నటిస్తున్నాను అని తనికెళ్ల భరణి ఈ సినిమా గురించి చెబుతూ మాట్లాడారు. తనికెళ్ల భరణి తన కెరీర్ ప్రారంభంలో విలనిజంతో మెప్పించారు. ఆ తర్వాత క్యారెక్టర్ రోల్స్‌కే పరిమితమయ్యారు. ఇప్పుడు ‘ప్యారడైజ్‌’తో తనలోని విలనిజాన్ని బయటకు తీయబోతున్నారన్నమాట. ఇక్కడే ఇంకో విషయం చెప్పాలి. ఈ సినిమాలో నాని ఓ పాత్ర/ పార్శ్వం విలన్‌లానే ఉంటుందట.

‘దసరా’ సినిమాలో విలన్ల విషయంలో శ్రీకాంత్‌ చూపించిన శ్రద్ధ మనకు తెలుసు. ఆ లెక్కన ఇప్పుడు ‘ప్యారడైజ్‌’లో కూడా అలాంటి పాత్రలు చూడబోతున్నాం. మార్చి 26న ఈ సినిమా విడుదల కావాల్సి ఉన్నా.. ఆ టైమ్‌కి పనులు పూర్తవ్వవు అని ఓ టాక్‌. త్వరలోనే ఈ విషయంలో క్లారిటీ వస్తుంది.

చాలా క్లారిటీలు ఇచ్చిన లోకేశ్‌.. కానీ అన్ని రోజులు ఖాళీగా ఉంటాడా?