Pawan Kalyan,Surendar Reddy: పవన్-సురేందర్ రెడ్డి సినిమా ఆగిపోయిందా..?

March 11, 2022 / 02:17 PM ISTByFilmy Focus

Join Us

Pawan Kalyan,Surendar Reddy: పవన్-సురేందర్ రెడ్డి సినిమా ఆగిపోయిందా..?

పవర్ స్టార్ పవన్ కళ్యాణ్ వరుస సినిమాలను లైన్ లో పెట్టిన సంగతి తెలిసిందే. ఇటీవల ఆయన నటించిన ‘భీమ్లానాయక్’ సినిమా ప్రేక్షకుల ముందుకు వచ్చి భారీ విజయాన్ని అందుకుంది. మలయాళ సినిమాకి రీమేక్ గా వచ్చిన ఈ సినిమా కలెక్షన్స్ పరంగా రికార్డులు సృష్టించింది. ఇప్పుడు పవన్.. క్రిష్ దర్శకత్వంలో ‘హరిహర వీరమల్లు’ అనే సినిమాలో నటిస్తున్నారు. త్వరలోనే ఈ సినిమా కూడా ప్రేక్షకుల ముందుకు రానుంది. ఈ సినిమాతో పాటు హరీష్ శంకర్ దర్శకత్వంలో ‘భవదీయుడు భగత్ సింగ్’ అనే సినిమా ఒప్పుకున్నారు.

Click Here To Watch Now

సురేందర్ రెడ్డి దర్శకత్వంలో ఓ సినిమా చేయాలనుకున్నారు. వచ్చే ఏడాదిలో ఈ సినిమా మొదలవుతుందని అన్నారు. రామ్ తాళ్లూరి ఈ సినిమాకి నిర్మాతగా వ్యవహరించనున్నారు. అయితే ప్రస్తుతానికి ఈ సినిమా ఆగిపోయిందని అంటున్నారు. ఇటీవల సురేందర్ రెడ్డి.. పవన్ ను కలిసి పూర్తి కథను వినిపించారట. స్క్రిప్ట్ పవన్ కి పెద్దగా నచ్చకపోవడంతో ఆయన ఈ ప్రాజెక్ట్ ని పక్కన పెట్టారని సమాచారం. నిర్మాత రామ్ తాళ్లూరి మాత్రం మరో డైరెక్టర్ ని వెతికే పనిలో పడ్డారు.

Pawan Kalyan Surender Reddy met after 5 years1

పవన్ తో సినిమా చేసే ఛాన్స్ మిస్ చేసుకోవాలనుకోవడం లేదు నిర్మాత. అందుకే డైరెక్టర్ ని మార్చి కొత్త స్క్రిప్ట్ తో పవన్ ని ఇంప్రెస్ చేయాలనుకుంటున్నారు. ఇదిలా ఉండగా.. పవన్ ఇటీవల మరో రీమేక్ ‘వినోదయ సీతం’లో నటించడానికి ఒప్పుకున్నట్లు సమాచారం. ఏప్రిల్ నుంచి ఈ సినిమా రెగ్యులర్ షూటింగ్ మొదలుకానుంది. ఈ సినిమాను సముద్రఖని డైరెక్ట్ చేస్తారని సమాచారం.

ఈ సినిమాలో పవన్ సరికొత్తగా కనిపించబోతున్నారట. తక్కువ రోజుల్లో ఈ సినిమాను పూర్తి చేయాలని ప్లాన్ చేస్తున్నారు. మరి ఈ రీమేక్ పవన్ కి ఎలాంటి హిట్ ఇస్తుందో చూడాలి!