పవన్, మహేష్ ఒకరు కిల్లర్ మరొకరు పోలీస్ గా కనిపించేవారు..!

March 19, 2020 / 10:39 AM ISTByFilmy Focus

Join Us

పవన్, మహేష్ ఒకరు కిల్లర్ మరొకరు పోలీస్ గా కనిపించేవారు..!

హీరో నాని సుధీర్ ల మల్టీ స్టారర్ ‘వి’ ఈ ఉగాది కానుకగా మార్చి 25న విడుదల కావాల్సివుండగా కరోనా వైరస్ కారణంగా వాయిదా పడింది. ఈ చిత్రాన్ని ఏప్రిల్ లో విడుదల చేయనున్నట్లు చిత్ర యూనిట్ చెప్పడం జరిగింది. నాని 25వ చిత్రంగా తెరకెక్కిన ఈ మూవీలో ఇద్దరు హీరోలు సరికొత్త రోల్స్ చేస్తున్నాడు. నాని నెగెటివ్ షేడ్స్ కలిగిన సీరియల్ అండ్ డేంజర్ కిల్లర్ గా నటిస్తుండగా, సుధీర్ ఈ కిల్లర్ ని వేటాడే రూత్లెస్ పోలీస్ అధికారి పాత్ర చేస్తున్నారు. వీళ్ళ మధ్య నడిచే టామ్ అండ్ జెర్రీ వార్ సినిమా అసలు కథగా కనిపిస్తుంది.

ఐతే ఈ సినిమా సూపర్ స్టార్ మహేష్ అండ్ పవర్ స్టార్ పవన్ కళ్యాణ్ చేయాల్సిందిట. ఈ విషయాన్ని హీరో సుధీర్ బయటపెట్టారు. హాస్య నటుడు అలీతో ఓ టాక్ షోలో పాల్గొన్న సుధీర్ ‘వి’ చిత్రం కొరకు దర్శకుడు మోహన కృష్ణ ఇంద్రగంటి మొదటి ఛాయిస్ పవన్ మరియు మహేష్ అని చెప్పారు. మరి వారిద్దరూ కాకుండా నాని, సుధీర్ లతో ఈ మూవీ ఎందుకు చేశారో పూర్తి ఎపిసోడ్ ప్రసారం అయితే కానీ తెలియదు. ఇక వేళ దర్శకుడు మోహన కృష్ణ అనుకున్నట్లుగా ఈ మూవీ పవన్, మహేష్ చేసి ఉంటే అంచనాలు ఏ స్థాయిలో ఉండేవో ప్రత్యేకంగా చెప్పాల్సిన అవసరం లేదు. ఇద్దరు టాప్ స్టార్స్ నటించాల్సిన స్టోరీ ఇది అని తెలియడంతో… ‘వి’ మూవీ నాని సుధీర్ ల మధ్య నడిచే హై వోల్టేజ్ యాక్షన్ థ్రిల్లర్ అని అర్థం అవుతుంది. అన్ని కుదిరితే మహేష్, పవన్ లు ఒకరు కిల్లర్, మరొకరు పోలీస్ గా నటించేవారు.ఇక సుదీర్ తాజా వ్యాఖ్యలు సినిమా పై ఆసక్తి పెంచేశాయి.