ప్రభాస్ నడిచొస్తుంటే… పెద్ద పులి నడుస్తున్నట్లే ఉంది అంటుంటారు అభిమానులు. అంతలా ఆ కటౌట్‌ ఉంటుంది మరి. అలాంటి పులి లాంటి ప్రభాస్‌కు పులులు అంటే చాలా ఇష్టమట. అంతేకాదు.. ఏకంగా పులులను పెంచుకుంటాను అని అంటున్నాడు కూడా. బాలకృష్ణ అన్‌స్టాపబుల్‌ షోకు ఇటీవల ప్రభాస్ గెస్ట్‌గా వచ్చిన విషయం తెలిసిందే. ఈ సందర్భంగా పులుల పెంపకం గురించి టాపిక్‌ వచ్చింది.
ప్రభాస్ కొన్ని నెలల క్రితం హైదరాబాద్‌ శివార్లలో ఓ అడవిని దత్తత తీసుకున్న విషయం తెలిసిందే.
అందులో ఓ ఫామ్ హౌస్ కట్టుకున్నాడు కూడా. ఇదే విషయాన్ని బాలయ్య ఆ షోలో ప్రభాస్‌ను అడిగాడు. ఎవరైనా ఇల్లు కట్టుకుంటారు, పొలం కొనుక్కుంటారని, కానీ అడవి పెంచుకోవటం ఏంటి అని ప్రభాస్‌ను బాలయ్య సరదాగా అడిగాడు. దానికి ప్రభాస్ అదిరిపోయే ఆన్సర్‌ ఇచ్చాడు. ప్రకృతి అంటే నాకు చాలా ఇష్టం. అందుకే ప్రభుత్వంతో మాట్లాడి ఓ అడవిని దత్తత తీసుకున్నాను అని చెప్పాడు. అక్కడికి దగ్గర్లో ఓ ఫామ్ హౌస్ కూడా కట్టుకున్నానని, బోర్ కొట్టినప్పుడల్లా స్నేహితులతో అక్కడికి వెళ్లి కాసేపు ఉండి సేద తీరుతుంటాను అని చెప్పాడు ప్రభాస్.
గతంలో ఫ్రెండ్స్‌తో ప్రపంచంలోని వివిధ ప్రాంతాల్లో ఉన్న అడవులకు వెళ్లేవాడినని, ఇప్పుడు టైమ్‌ లేక ఏకంగా అడవినే దత్తత తీసుకున్నా అని ప్రభాస్ చెప్పాడు. అంతేకాదు అందులో పులులు పెంచుకోవాలని ఉందని, అయితే ప్రభుత్వ అధికారులను అడిగితే.. వాళ్లు కుదరదు అని చెప్పేశారని ప్రభాస్ తెలిపాడు. అయితే ఫామ్ హౌస్ కట్టుకుని తెలుగు సినీ పరిశ్రమలో ఉన్న అందరూ హీరోలను పిలిచిన ప్రభాస్…
నన్ను ఎందుకు పిలవలేదు అని బాలయ్య అడిగేశాడు. దీనికి ప్రభాస్ వచ్చే నాలుగు నెలల్లో ఫామ్ హౌస్‌లో కలుద్దాం అని బాలయ్యకు మాటిచ్చేశాడు. అలా బాలయ్యకు ప్రభాస్ ఇచ్చిన మాట మరి ఎప్పుడు నిలబెట్టుకుంటాడో చూడాలి. అయితే ప్రభాస్ ఆ ఫామ్ హౌస్‌లో దిగిన ఫొటోలు ఏవీ ఇప్పటివరకు బయటకు రాలేదు. ఎలా ఉంటుందో మరి ఆ ఫామ్ హౌస్.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
