Prabhas: వామ్మో.. ప్రభాస్ సినిమా కోసం ఈ రేంజ్ ప్రమోషన్లా?

June 20, 2022 / 03:46 PM ISTByFilmy Focus

Join Us

Prabhas: వామ్మో.. ప్రభాస్ సినిమా కోసం ఈ రేంజ్ ప్రమోషన్లా?

ఈ ఏడాది భారీ అంచనాలతో విడుదలైన పాన్ ఇండియా సినిమాలలో రాధేశ్యామ్ సినిమా ఒకటనే సంగతి తెలిసిందే. దాదాపుగా 300 కోట్ల రూపాయల భారీ బడ్జెట్ తో తెరకెక్కిన ఈ సినిమా ప్రేక్షకులను మెప్పించడంలో ఫెయిలైంది. ఫస్ట్ వీకెండ్ వరకు ఈ సినిమా బాగానే కలెక్షన్లను సాధించగా వీకెండ్ తర్వాత చెప్పుకోదగ్గ స్థాయిలో కలెక్షన్లను సొంతం చేసుకోవడంలో ఈ సినిమా ఫెయిలైంది. అమెజాన్ ప్రైమ్ ఓటీటీలో ప్రస్తుతం రాధేశ్యామ్ స్ట్రీమింగ్ అవుతోంది.

ఈ నెల 26వ తేదీన ఈ సినిమా బుల్లితెరపై జీ తెలుగు ఛానల్ లో ప్రసారం కానుంది. అయితే జీ తెలుగు ఛానల్ నిర్వాహకులు ఈ సినిమా కోసం వెరైటీగా ప్రమోషన్స్ నిర్వహిస్తూ ఉండటం గమనార్హం. ఈ ఛానల్ నిర్వాహకులు రాధేశ్యామ్ సినిమా కోసం భీమవరంలో రాధేశ్యామ్ థీమ్ పార్క్ ను ఏర్పాటు చేశారు. రాధేశ్యామ్ సినిమాలోని ముఖ్యమైన సన్నివేశాలను ప్రతిబింబించేలా ఈ థీమ్ పార్క్ ను ఏర్పాటు చేయడం గమనార్హం.

రాధేశ్యామ్ బుల్లితెరపై మంచి రేటింగ్స్ సాధిస్తే ప్రభాస్ ఫ్యాన్స్ కచ్చితంగా సంతోషిస్తారని చెప్పడంలో ఏ మాత్రం సందేహం అవసరం లేదు. జీ తెలుగు ఛానల్ నిర్వాహకుల ప్రచారానికి తగ్గ ఫలితం లభిస్తుందో లేదో చూడాల్సి ఉంది. ప్రేక్షకులను ఆకర్షించాలంటే కొత్తగా చేయాలనే ఆలోచనతో ఛానల్ నిర్వాహకులు ఈ తరహా ప్రచారానికి సిద్ధమయ్యారు. రాధేశ్యామ్ సినిమాను ఇప్పటివరకు చూడని ప్రేక్షకులు బుల్లితెరపై కచ్చితంగా చూసే అవకాశాలు ఉన్నాయి.

ప్రభాస్ హీరోగా తెరకెక్కిన ఆదిపురుష్, సలార్ సినిమాలు వచ్చే ఏడాది థియేటర్లలో రిలీజ్ కానున్నాయి. ఈ రెండు సినిమాల కోసం ప్రభాస్ ఫ్యాన్స్ ఆసక్తిగా ఎదురుచూస్తున్నారనే సంగతి తెలిసిందే. వచ్చే ఏడాది కొన్ని నెలల గ్యాప్ లోనే ఈ రెండు సినిమాలు థియేటర్లలో విడుదల కానున్నాయి. ప్రభాస్ తర్వాత సినిమాలతో బాక్సాఫీస్ వద్ద సంచలన విజయాలను సొంతం చేసుకోవడం ఖాయమని కామెంట్లు వ్యక్తమవుతున్నాయి.