2021 సంక్రాంతికి బాక్సాఫీస్ వద్ద పెద్దగా పోటీ లేదనే సంగతి తెలిసిందే. అయితే 2022 సంక్రాంతికి మాత్రం ఎక్కువ సంఖ్యలో సినిమాలు రిలీజ్ కానున్నాయి. ఇప్పటికే షూటింగ్ ను పూర్తి చేసుకున్న ఆర్ఆర్ఆర్ ప్రమోషన్స్ మొదలు కావడంతో జనవరి 7వ తేదీన ఈ సినిమా రిలీజ్ కావడం గ్యారంటీ అని తెలుస్తోంది. మరోవైపు పాన్ ఇండియా మూవీగా తెరకెక్కిన రాధేశ్యామ్ రిలీజ్ డేట్ మారే అవకాశం లేదని సమాచారం. ఈ సినిమాలతో పాటు నాగార్జున బంగార్రాజు సినిమాను కూడా సంక్రాంతికి రిలీజ్ చేయాలని ప్లాన్ చేస్తున్నట్టు బోగట్టా.
అయితే సీనియర్ హీరో రాజశేఖర్ తన సినిమా “శేఖర్” ను సంక్రాంతికి రిలీజ్ చేయాలని ప్లాన్ చేస్తున్నారని తెలుస్తోంది. థియేటర్లు దొరికితే ఈ సినిమా ఖచ్చితంగా సంక్రాంతికి రిలీజవుతుందని సమాచారం. జనవరి రెండో వారంలో ఈ సినిమాను విడుదల చేయాలని మేకర్స్ భావిస్తున్నట్టు తెలుస్తోంది. మలయాళంలో బ్లాక్ బస్టర్ హిట్ గా నిలిచిన ఒక సినిమాకు రీమేక్ గా ఈ సినిమా తెరకెక్కింది. టాలెంటెడ్ మ్యూజిక్ డైరెక్టర్ అనూప్ రూబెన్స్ ఈ సినిమాకు సంగీతం అందిస్తున్నారు.
సంక్రాంతికి ఈ సినిమాను రిలీజ్ చేయడం సాధ్యం కాని పక్షంలో జనవరి లాస్ట్ వీక్ లో ఈ మూవీ రిలీజయ్యే ఛాన్స్ ఉందని తెలుస్తోంది. సంక్రాంతికి పోటీ పెరుగుతున్నా ఆ సమయానికి కొన్ని సినిమాలు పోటీ నుంచి తప్పుకునే అవకాశం అయితే ఉందని చెప్పవచ్చు. వచ్చే ఏడాది సంక్రాంతి సినిమాలు తెలుగు రాష్ట్రాల్లో 500 కోట్ల రూపాయల కలెక్షను సాధించే అవకాశాలు ఉన్నాయి.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
