భారీ ఆఫర్ కొట్టేసిన రకుల్ ప్రీత్ సింగ్

ప్రస్తుతం టాలీవుడ్ లో క్రేజీ హీరోయిన్ ఎవరయ్యా అంటే ..  అందరి నోటా వచ్చే మాట రకుల్ ప్రీత్ సింగ్. ఈ  ఫిట్ బ్యూటీ గత ఏడాది హ్యాట్రిక్ విజయాన్ని అందుకొని టాప్ హీరోయిన్ జాబితాలో చేరిపోయింది.  2016 ఆమె నటించిన నాన్నకు ప్రేమతో, సరైనోడు, ధృవ సినిమాలు సూపర్ హిట్ అయ్యాయి. ఈ ఏడాది సాయి ధరమ్ తేజ్ తో కలిసి విన్నర్ మూవీ ద్వారా వస్తోంది. అంతేకాదు సూపర్ స్టార్ మహేష్ బాబు తో కోలీవుడ్ లోకి ఎంట్రీకి సిద్ధమయిపోయింది. ఈ రెండు చిత్రాలతో పాటు కళ్యాణ్ కృష్ణ దర్శకత్వంలో నాగ ఛైతన్య కి జోడీగా నటిస్తోంది. ఇలా చేతినిండా సినిమాల్తో బిజీగా ఉన్న బ్యూటీ తాజాగా మంచి ఛాన్స్ కొట్టేసింది.

తమిళ స్టార్ హీరో సూర్య పక్కన హీరోయిన్ గా నటించే అవకాశం దక్కించుకుంది. ప్రేమకథ చిత్రాలను అద్భుతంగా తెరకెక్కించే సెల్వరాఘవన్ దర్శకత్వంలో రానున్న మూవీకి సైన్ చేసింది. ధీరన్  అథికారమ్  ఒండ్రు అనే మూవీలో కార్తీ సరసన హీరోయిన్ గా నటిస్తున్న రకుల్, కార్తీ అన్నయ్యతోను రొమాన్స్ చేయనుంది. ఈ మూడు చిత్రాలతో తమిళ చిత్రపరిశ్రమలోను పంజాబీ భామ జెండా పాతేయనుంది.

Also, do SUBSCRIBE to our YouTube channel to get latest Tollywood updates.