వరుస ప్లాప్ లతో సతమతమవుతున్న కృష్ణవంశీ తెరకెక్కించిన లేటెస్ట్ సినిమా ‘రంగమార్తాండ’. ఈ సినిమా మేకింగ్ కోసం చాలా సమయం తీసుకున్నారు ఈ క్రియేటివ్ డైరెక్టర్. మరాఠీ సినిమా ‘నటసామ్రాట్’కి ఇది రీమేక్. మరాఠీలో సినిమా సూపర్ హిట్ అవ్వడంతో తెలుగు ప్రేక్షకుల అభిరుచికి తగ్గట్లుగా ఇక్కడ సినిమా తీశారు. నిజానికి ఈపాటికే సినిమాను రిలీజ్ చేయాలి కానీ ఆలస్యమవుతూ వస్తుంది. 2022 దీపావళికి సినిమా రావడం ఖాయమన్నారు. కానీ అలా జరగలేదు.
ఇప్పుడు సినిమాను రిలీజ్ చేసే దిశగా ప్లాన్స్ జరుగుతున్నాయి. ఈ సినిమాకి మెగాస్టార్ చిరంజీవి కూడా తనవంతు సాయం చేశారు. సినిమాలో ఒక షాయరీ చదివి ప్రమోషన్స్ కి శుభారంభం అందించారు. మొదటి నుంచి కూడా చిరంజీవికి.. కృష్ణవంశీపై అభిమానం ఉంది. అతడితో సినిమా చేయాలనుకున్నారు కానీ సెట్ అవ్వలేదు. కృష్ణవంశీ కెరీర్ డల్ గా ఉన్న సమయంలో రామ్ చరణ్ ని ఇచ్చి సినిమా చేయమని చెప్పారు. కృష్ణవంశీకి ఎప్పుడు ఏ అవసరం వచ్చినా..
చేయి అందించడానికి చిరంజీవి ముందే ఉంటారు. ఇప్పుడు కృష్ణవంశీకి మరింత బూస్టప్ ఇవ్వబోతున్నట్లు సమాచారం. కృష్ణవంశీ దర్శకత్వంలో రూపొందించిన ‘రంగమార్తాండ’ సినిమాలో ప్రకాష్ రాజ్, బ్రహ్మానందం, రమ్యకృష్ణ కీలకపాత్రలు పోషించారు. రీసెంట్ గా ఈ సినిమా స్పెషల్ షోని చిరంజీవికి వేసి చూపించారు. ఈ సినిమా చూసిన చిరంజీవి కదిలిపోయారట. ఎమోషనల్ గా ఆయనకు సినిమా బాగా కనెక్ట్ అయింది.
దీంతో ఈ సినిమా జనాల్లోకి వెళ్లాలని.. దానికి ఎలాంటి సహాయ సహకారాలు అందించడానికైనా సిద్ధమని చెప్పారట చిరు. అంతేకాదు.. ప్రీ రిలీజ్ ఈవెంట్ కి చరణ్ తో కలిసి వస్తానని హామీ ఇచ్చారట. మెగాహీరోలు ‘రంగమార్తాండ’ ఈవెంట్ లో కనిపిస్తే ఇక సినిమాపై బజ్ పెరిగిపోవడం ఖాయం.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
