జోరుగా వీఐ ఆనంద్, రవితేజ కాంబో మూవీ పనులు

మాస్ మహారాజ రవితేజ టచ్ చేసి చూడు సినిమా తర్వాత కళ్యాణ్ కృష్ణ దర్శకత్వంలో “నేల టికెట్” సినిమా చేసిన సంగతి తెలిసిందే. ఈ రెండూ అపజయం పాలయ్యాయి. అందుకే ఈసారి హిట్ కొట్టాలని శ్రీను వైట్ల దర్శకత్వంలో “అమర్ అక్బర్ ఆంటోనీ” చేస్తున్నారు. ఈ మూవీ ఫస్ట్ లుక్ కి విశేషం స్పందన వచ్చింది. మైత్రి మూవీ మేకర్స్ వారు నిర్మిస్తున్న ఈ సినిమా టీజర్ ఈనెల 29 న రిలీజ్ కానుంది. పోస్ట్ ప్రొడక్షన్ పనులు జరుపుకుంటున్న ఈ మూవీ డిసెంబర్ రెండోవారంలో థియేటర్లోకి రానుంది. ఆ చిత్రం రిలీజ్ వరకు రవితేజ రెస్ట్ తీసుకోవడం లేదు. నెక్స్ట్ సినిమా షూటింగ్ ని మొదలు పెట్టడానికి సిద్ధమయ్యారు.

ఎక్కడికి పోతావ్ చిన్నవాడా, ఒక్క క్షణం వంటి సినిమాలను తెరకెక్కించిన వీఐ ఆనంద్ దర్శకత్వంలో నటించడానికి రెడీ అయ్యారు. ముందుగా ఈ చిత్రం ఫస్ట్ లుక్ ని దీపావళికి రిలీజ్ చేయాలనీ ఆనంద్ ఫిక్స్ అయ్యారు. ఆ షూట్ కి సంబంధించిన పనులు జరుగుతున్నాయి. ఈ షూట్ లో రవితేజ జాయిన్ కానున్నారు. డిఫెరెంట్ కాన్సప్ట్ తో తెరకెక్కనున్న మూవీలో ముగ్గురు హీరోయిన్స్ నటించనున్నారు. అందులో ఒక హీరోయిన్ గా నాభా నటేశ్ ను తీసుకున్నారు. మిగిలిన ఇద్దరికోసం వేట కొనసాగిస్తున్నారు. రవి తాళ్లూరి నిర్మిస్తోన్న ఈ సినిమాపై అందరిలో ఆసక్తినెలకొని ఉంది.