Renu Desai: సెకండ్ మ్యారేజ్.. రేణు దేశాయ్ ఏమన్నారంటే..!

టాలీవుడ్ నటి, రచయిత్రి, దర్శకురాలిగా పేరు తెచ్చుకున్న రేణు దేశాయ్ (Renu Desai) తన వ్యక్తిగత జీవితం గురించి తాజాగా చేసిన వ్యాఖ్యలతో మరోసారి వార్తల్లోకి వచ్చారు. పవన్ కల్యాణ్‌తో (Pawan Kalyan) ప్రేమలో పడటం, పెళ్లి, విడాకుల తర్వాత ఆమె జీవితం ఎలా మారిందో చాలామందికి తెలిసిందే. అప్పటి నుంచి తన పిల్లలైన అకీరా నందన్, ఆద్యల జీవితానికే సమయాన్ని అంకితం చేశారు. తాజాగా ఆమె ఓ పాడ్‌కాస్ట్ ఇంటర్వ్యూలో చేసిన వ్యాఖ్యలు సోషల్ మీడియాలో చర్చనీయాంశంగా మారాయి.

Renu Desai

రేణు దేశాయ్ మాట్లాడుతూ, రెండో పెళ్లిపై ఓపెన్‌గా స్పందించారు. “ఇంకోసారి ప్రేమలో పడాలని, జీవితం పునఃప్రారంభించాలనిపించింది. కానీ పిల్లలు ఉన్న జీవితం వేరు. వారికి కొత్తగా ఒక వ్యక్తిని పరిచయం చేయడమంటే, ఒక్క తల్లిగా ఎంతో బాధ్యతగా ఆలోచించాలి. వ్యక్తిగతంగా ప్రేమ కావాలనిపించినా, తల్లిగా ఆ నిర్ణయం తేలిక కాదు” అని అన్నారు. ఈ మాటలు ఆమె పిల్లల పట్ల ఉన్న నిబద్ధతను తెలియజేస్తున్నాయి.

పొలిటికల్ ఎంట్రీపై కూడా రేణు స్పష్టత ఇచ్చారు. కొన్ని పార్టీలు సంప్రదించినా, పిల్లల భద్రతను దృష్టిలో ఉంచుకుని వాటిని వదిలేసినట్లు చెప్పారు. ప్రజల కోసం పనిచేయాలనేది తన మనసు కోరిక అని చెప్పారు. గతంలో తాను నిశ్చితార్థం చేసుకున్నట్లుగా వచ్చిన వార్తలపై కూడా ఆమె స్పష్టత ఇచ్చారు. “అది వ్యక్తిగతంగా జరిగిన విషయం. కానీ ఇప్పుడు నా ప్రాధాన్యం పిల్లలే,” అని అన్నారు.

అకీరా నందన్ భవిష్యత్ గురించి మాట్లాడుతూ, “OG (OG) సినిమా ద్వారా అకీరా తెరంగేట్రం చేస్తున్నాడని వస్తున్న వార్తల్లో నిజం లేదు. అతను సినిమాల్లోకి వస్తే నేనే ప్రకటిస్తా. ఇంకా అతని ఆలోచనలు ఫిక్స్ కాలేదు. నేను ఎలాంటి ఒత్తిడి చేయను. ఒక తల్లిగా మాత్రం అతడిని సక్సెస్‌ఫుల్‌గా చూడాలని కల” అంటూ చెప్పిన ఆమె మాటలు తన బాధ్యతాయుతమైన తల్లితనాన్ని వెల్లడించాయి. ఇప్పుడు రేణు దేశాయ్ కామెంట్స్ మరోసారి ఆమె జీవన విధానాన్ని తెలియజేశాయి. మరి అకిరా ఎంట్రీపై ఆమె ఎప్పుడు క్లారిటీ ఇస్తారో చూడాలి.

అఖిల్ లవ్.. వ్వాటే రొమాంటిక్ పిక్!