సినిమా వల్ల కలిసిన బంధం, స్నేహం అంత త్వరగా విడిపోవు అంటుంటారు. దానికి నిదర్శనంగా చాలామంది హీరో – హీరోయిన్లు, నటులు ఉన్నారు. అలాంటి స్నేహ బంధం అల్లుకున్న హీరో హీరోయిన్‌.. సాయిధరమ్‌ తేజ్ – లారిస్సా బొనేసి. సాయితేజ్‌కు డిజాస్టర్‌ రిజల్ట్ ఇచ్చిన ‘తిక్క’లో చేసిన బ్రెజిల్‌ భామనే లారిస్సా బొనేసి. ఆ సినిమా సమయంలో ఇద్దరూ కలసి షికార్లు, పుకార్లు చాలానే వినిపించాయి. అయితే ఆ తర్వాత సద్దుమణిగిపోయాయి అనుకోండి.
తాజాగా సాయిధరమ్‌ తేజ్ పుట్టిన రోజు నాడు లారిస్సా బొనేసి ఓ ట్వీట్‌ చేసింది. అందులో పెద్దగా స్పెషల్‌ కూడా ఏమీ లేదు. అయితే ఆ ట్వీట్‌కి సాయిధరమ్‌తేజ్‌ ఇచ్చిన రిప్లైనే ఇప్పుడు హాట్‌టాపిక్‌గా మారింఇ. శనివారం సాయిధరమ్‌ తేజ్ 36వ పుట్టినరోజు సందర్భంగా ట్విటర్‌లో ‘‘హ్యాపీ బర్త్‌డే మై తేజు ’’ అంటూ లవ్‌ సింబల్‌ని యాడ్‌ చేసి ట్వీట్‌ చేసింది లారిస్సా బొనేసి. ఆ ట్వీట్‌ చూసి ‘ఓహో ఇద్దరి మధ్య స్నేహం ఇంకా ఉందా?’ అని అనుకున్నారు నెటిజన్లు.
అయితే అక్కడికి కాసేపటికి ఆ ట్వీట్‌ కింద ఓ కామెంట్‌ కనిపించింది. ‘‘నన్ను ఎప్పుడూ డిస్ట్రబ్‌ చేసే వ్యక్తి’’ అంటూ ఓ రిప్లై వచ్చింది. దీంతో అసలు సందడి మొదలైంది. ఎందుకంటే ఆ మాటలు అన్నది ఎవరో నెటిజన్‌ కాదు.. సాయిధరమ్‌ తేజ్. అవును సాయితేజ్‌ ఆ మాటలు రాస్తూ.. థ్యాంక్స్‌ చెబుతూ లవ్‌ ఎమోజీలు పెట్టాడు. దాంతోపాటు గతంలో ఆమెతో దిగిన ఓ ఫొటోను కూడా షేర్‌ చేశాడు. ఇంకేముంది ఆ ట్వీట్‌, రిప్లైలు చూసిన నెటిజన్లు.. ‘ఏంటీ వీళ్లు ప్రేమలో ఉన్నారా?’ అని కామెంట్లు పెడుతున్నారు.
‘తిక్క’ సినిమా తర్వాత లారిస్సా బొనేసి తెలుగు తెరపై పెద్దగా కనిపించింది లేదు. సందీప్‌ కిషన్‌ నటించిన ‘నెక్ట్స్‌ ఏంటి’ సినిమాలో చిన్న పాత్ర పోషించింది. ఇప్పుడు ఇన్నాళ్లకు సాయిధరమ్‌తేజ్‌కి బర్త్‌డే విషెష్‌ చెప్పి మళ్లీ టాలీవుడ్‌ ఫ్యాన్స్‌కి స్టఫ్‌ ఇచ్చింది.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
Home
