సాయి పల్లవి ‘డియర్ కామ్రేడ్’ లో చేయకపోవడానికి కారణమదే..!

విజ‌య్ దేవ‌ర‌కొండ‌ హీరోగా వస్తున్న తాజా చిత్రం డియర్ కామ్రేడ్. భ‌ర‌త్ క‌మ్మ డైరెక్షన్లో తెరకెక్కిన ఈ చిత్రంలో ర‌ష్మిక మందన హీరోయిన్ గా నటిస్తుంది. జూలై 26 న విడుదల కాబోతున్న ఈ చిత్రానికి సంబందించిన ట్రైలర్ ను ఇటీవ‌లే విడుద‌ల చేసిన సంగ‌తి తెలిసిందే. విడుదల మరో వారంలో ఉండడంతో… ప్ర‌మోష‌న్లను వేగవంతం చేసారు చిత్ర యూనిట్ సభ్యులు. ఇప్పటికే విజ‌య్, రష్మిక కొన్ని ఛానెల్స్ కు ఇంటర్వ్యూలు కూడా ఇచ్చారు. ఈ క్రమంలో హీరో విజయ్ దేవరకొండ కొన్ని ఆసక్తికరమైన విషయాల్ని తెలిపాడు.

విజయ్ దేవరకొండ మాట్లాడుతూ…. “ఈ చిత్రంలో హీరోయిన్ గా ఇద్ద‌రినే అనుకున్నాం. ఒకరు సాయి ప‌ల్ల‌వి, రెండు ర‌ష్మిక. వాళ్ళైతేనే ఈ పాత్ర‌కు కరెక్ట్ గా సరిపోతార‌ని భావించాం. ముందుగా సాయి ప‌ల్ల‌వికి క‌థ వినిపించాం. క‌థ ఆమెకు బాగా న‌చ్చింది. కానీ ఆమె ఒప్పుకోలేదు. ఆ త‌ర్వాత ర‌ష్మిక క‌థ వినింది. విన్న వెంట‌నే ఓకే చెప్పేసింది. అలా రష్మిక ని హీరోయిన్‌గా ఫిక్స్ చేశాం” అంటూ విజయ్ చెప్పుకొచ్చాడు. ఈ చిత్రంలో లిప్‌లాక్ సీన్లు ఎక్కువ ఉండడం వలనే సాయి పల్లవి ఈ చిత్రాన్ని రిజెక్ట్ చేసినట్టు స్పష్టమవుతుంది. గ్లామర్ పాత్రలకి ఆమె దూరంగా ఉంటుందన్న సంగతి అందరికీ తెలిసిందే. కానీ విజయ్ కు మాత్రం తాను చేసే సినిమాల్లో లిప్ లాకులు కచ్చితంగా ఉండాలి.