టాలీవుడ్ స్టార్ హీరోయిన్లలో ఒకరైన సాయిపల్లవి ప్రస్తుతం పరిమితంగా సినిమాలలో నటిస్తున్నారనే సంగతి తెలిసిందే. సాయిపల్లవి నటించిన విరాటపర్వం సినిమా జులై ఫస్ట్ వీక్ లో థియేటర్లలో విడుదల కానుంది. వేణు ఊడుగుల డైరెక్షన్ లో తెరకెక్కిన ఈ సినిమా బాక్సాఫీస్ వద్ద ఎలాంటి ఫలితాన్ని అందుకుంటుందో చూడాల్సి ఉంది. ఈ సినిమాపై భారీస్థాయిలో అంచనాలు నెలకొన్నాయి. అయితే సాయిపల్లవి సాధారణంగా గ్లామర్ రోల్స్ కు దూరంగా ఉంటారనే సంగతి తెలిసిందే.
అయితే తాజాగా సాయిపల్లవికి స్పెషల్ సాంగ్స్, ఐటమ్ సాంగ్స్ కు సంబంధించిన ప్రశ్న ఎదురు కాగా సాయిపల్లవి ఆసక్తికర విషయాలను వెల్లడించారు. తనకు ప్రత్యేక గీతాలలో నటించే ఛాన్స్ వస్తే కచ్చితంగా నో చెబుతానని ఆమె చెప్పుకొచ్చారు. స్పెషల్ సాంగ్స్ చేయడానికి తనకు కంఫర్ట్ గా ఉండదని ఆమె తెలిపారు. అలాంటి సాంగ్స్ లో తాను చేయనని మొహమాటం లేకుండా చెప్పేస్తానని సాయిపల్లవి వెల్లడించారు. తాను ఏ పాత్ర చేసినా డ్రెస్ కంఫర్ట్ గా లేకపోతే ఇబ్బందిగా ఫీలవుతానని ఆమె చెప్పుకొచ్చారు.
సినిమాలలో ఐటమ్ సాంగ్స్ ను స్పెషల్ పర్పస్ కోసం పెడతారని సాయిపల్లవి అన్నారు. ఇప్పటివరకు ఆలాంటి సాంగ్స్ చేయాలనే ఆలోచన తనకు రాలేదని సాయిపల్లవి చెప్పుకొచ్చారు. ప్రతి మనిషికి కెరీర్ ఎంత అవసరమో ప్రేమ కూడా అంతే అవసరమని సాయిపల్లవి పేర్కొన్నారు. కెరీర్, లవ్ లలో ఏది లేకపోయినా జీవితం ఫుల్ ఫిల్ కాదని సాయిపల్లవి చెప్పుకొచ్చారు. సాయిపల్లవి ఒక్కో సినిమాకు 2 కోట్ల రూపాయల రెమ్యునరేషన్ తీసుకుంటున్నారు.
టాలీవుడ్ స్టార్ హీరోలు సాయిపల్లవికి ఛాన్స్ ఇస్తే బాగుంటుందని ఆమె అభిమానులు భావిస్తుండటం గమనార్హం. సాయిపల్లవికి ఛాన్స్ ఇచ్చే స్టార్ హీరో ఎవరో చూడాల్సి ఉంది. గతేడాది లవ్ స్టోరీ, శ్యామ్ సింగరాయ్ సినిమాలతో సాయిపల్లవి ఖాతాలో బ్యాక్ టు బ్యాక్ బ్లాక్ బస్టర్ హిట్లు చేరాయి.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
