దేశంలో ఫేమస్‌ హీరోయిన్లు వీళ్లే.. అంటూ ఓరామాక్స్‌ సంస్థ ప్రతి నెలా ఒక లిస్ట్ రిలీజ్‌ చేస్తూ ఉంటుంది. అందులో ఎవరు ఫస్ట్ వచ్చారు అంటూ ఫ్యాన్స్‌ కూడా ఈగర్‌గా ఆ లిస్ట్ చూస్తారు. తాజాగా జూన్ నెలకు సంబంధించిన లిస్ట్ ఒకటి విడుదలైంది. అందులో పెద్ద సర్‌ప్రైజ్‌లు ఏమీ లేవు. అయితే ఫస్ట్ ఎవరు, లాస్ట్‌ (10) ఎవరు అనే వివరాలు మాత్రం ఎప్పుడూ ఆసక్తికరమే. మరి ఆ వివరాలు, వాళ్లెవరో చూద్దామా?
సౌత్‌లో చాలా సినిమాలు చేసినా.. ఒక్క ఐటెమ్‌ సాంగ్‌తో దేశం మొత్తం ఫేమస్‌ అయిపోయింది సమంత. ‘పుష్ప’ సినిమాలోని ఆ పాట గురించి తెలియని భారతీయుడు లేడంటే అతిశయోక్తి కాదు. ఆ తర్వాత వివిధ కారణాల వల్ల సమంత టాక్‌ ఆఫ్ ది ఇండస్ట్రీగా మారింది. అందుకేనేమో ఈ లిస్ట్‌లో టాప్‌లో ఉంటూ వస్తోంది. తాజాగా విడుదలైన జూన్ నెల ఓఆర్‌మ్యాక్స్ స్టార్స్ ఇండియా లవ్స్ (ఆల్ ఇండియా) జాబితాలో సమంతదే తొలి స్థానం.
ముందుగా చెప్పినట్లు (Samantha) సమంతకు ఈ స్థానం తొలిసారేం కాదు. ఇప్పటివరకు ఆమె ఎనిమిది సార్లు ఫస్ట్ ప్లేస్‌లో నిలిచింది. అయితే జూన్ జాబితాలో ఆలియా భట్ రెండో స్థానంలో ఉంది. దీపికా పడుకొనె మూడో స్థానంలో ఉండగా… నయనతార నాలుగులో నిలిచింది. కాజల్ అగర్వాల్‌కి ఐదు, త్రిషకు ఆరు స్థానాలిచ్చారు ప్రేక్షకులు. ఇక కట్రినా కైఫ్ ఏడో ప్లేస్‌లో ఉండగా… కియారా అడ్వాణీ ఎనిమిదిలో నిలిచింది.
ఆఖరి నుండి రెండో స్థానం అంటే తొమ్మిదిలో కీర్తి సురేష్ ఉంది. ఇక ఆఖరి స్థానాన్ని ఇండియా క్రష్ రష్మిక మందన అందుకుంది. ఇక తెలుగు సినిమాల సంగతికొస్తే… సమంత, కాజల్ అగర్వాల్‌, అనుష్క, సాయి పల్లవి, కీర్తి సురేశ్‌, శ్రీలీల, రష్మిక మందన, పూజా హెగ్డే, తమన్నా, అనుపమ పరమేశ్వర్‌ టాప్‌ 10 జాబితాలో ఉన్నారు.
హిడింబ సినిమా రివ్యూ & రేటింగ్!
అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!
