తాను సినిమా చేసిన హీరోను దర్శకుడు పొగడటం, వాళ్లకు మించిన హీరో లేడు అని హైలైట్‌ చేయడం మన సినిమాల్లో కొత్తేం కాదు. ఆ మాటకొస్తే ఇది టాలీవుడ్‌లోనే కాదు, మొత్తంగా భారతీయ సినిమాలోనే ఉంది. ఎప్పటి నుండో వస్తున్న ఆచారాన్ని ఇప్పటి దర్శకులు కూడా పాటిస్తూ ఉంటారు. ఈ క్రమంలో సందీప్ రెడ్డి వంగా కూడా అదే పని చేశారు. తన కొత్త సినిమా ‘యానమిల్‌’ హీరోను ముగ్గురు అగ్ర నటుల కలయిక అని చెప్పాడు. దీంతో ఆ కామెంట్స్‌ ఇప్పుడు వైరల్‌గా మారాయి.
రణ్‌బీర్‌ కపూర్‌ హీరోగా సందీప్ రెడ్డి వంగా (Animal Movie) ‘యానిమల్’ అనే సినిమాను తీశారు. డిసెంబరు 1న ప్రేక్షకుల ముందుకు రానున్న ఈ సినిమా గురించి మాట్లాడుతూ సందీప్ రెడ్డి వంగా రణ్‌బీర్‌ నటన గురించి, సినిమాలో తన పాత్ర గురించి చెప్పుకొచ్చారు. ఈ క్రమంలో రణ్‌బీర్‌ను ప్రపంచంలో అత్యుత్తమమైన నటులుగా పేరు తెచ్చుకున్న రోబర్ట్ డెనిరో, అల్ ప్యాచినో, కమల్ హాసన్‌ల మిక్సింగ్‌గా అభివర్ణించాడు.
అంతేకాదు తోటి నటులతో రణ్‌బీర్‌ను పోల్చడం తప్పవుతుందని, అతడికి పరిమితుల్లేవని, రణబీర్‌ది వేరే లెవెల్ అంటూ అతనిని ఆకాశానికెత్తేశాడు. ఈ సినిమాలో రణ్‌బీర్‌ చాలా కోపంగా ఉండటాడని, అయితే నిజ జీవితంలో అస్సలు కోపం రాదట. అలాంటి సౌమ్యుడు ‘యానిమల్’ సినిమాలో కోపం ప్రదర్శిస్తుంటే షాక్ అయ్యానని సందీప్ రెడ్డి చెప్పారు. సినిమా సీన్స్‌ రాస్తున్నప్పుడు ఇదే విషయం గురించి పదే పదే ఆలోచించుకున్నాను అని కూడా సందీప్ రెడ్డి వంగా చెప్పారు.
ఇక ఈ సినిమా సంగతికొస్తే… తండ్రి తన మీద ఎంత కోపం ప్రదర్శించినా… అతనిని అమితంగా ప్రేమించే కొడుకుగా రణ్‌బీర్‌ కనిపిస్తాడు. అలాంటిది తన తండ్రి మీదకు ఓ విలన్‌ వస్తే… ఏం చేశాడు అనేదే కథ. అయితే దీనికి పూర్తి స్థాయి రక్తపాతంతో చూపించారు అనేది ట్రైలర్‌ చూస్తే అర్థమవుతోంది.మరి ఆ రక్తపాతం ఎలాంటి ఫలితం ఇస్తుందో డిసెంబరు 1 వస్తే కానీ తెలియదు.
మంగళవారం సినిమా రివ్యూ & రేటింగ్!
స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!
Home