పవర్స్టార్ పవన్ కళ్యాణ్ (Pawan Kalyan) కెరీర్..లో రూపొందిన బ్లాక్బస్టర్ సినిమాల్లో ‘సుస్వాగతం’ ఒకటి. ఈ సినిమాతో తెలుగు ప్రేక్షకుల హృదయాలను కొల్లగొట్టిన హీరోయిన్ దేవయాని (Devayani). తొలి సినిమాతోనే తన నటనతో తెలుగునాట చెరగని ముద్ర వేసింది. ఆ తర్వాత తెలుగులో పలు సినిమాల్లో నటించినా ఈమెకు పెద్దగా కలిసి రాలేదు.
తర్వాత ‘జనతా గ్యారేజ్’ (Janatha Garage) ‘అరవింద సమేత’ (Aravinda Sametha) వంటి సినిమాల్లో తల్లి పాత్రలు చేసింది. ఇప్పుడు ఆమె కొత్త అవతారం ఎత్తారు. నటనలో తనదైన మార్క్ చూపించిన ఆమె, ఇప్పుడు ఏకంగా మెగా ఫోన్ పట్టి దర్శకురాలిగా మారారట.ఈ విషయాన్ని హీరో సిద్ధార్థ్ (Siddharth) నిన్న ‘3 BHK’ ట్రైలర్ లాంఛ్ వేడుకలో రివీల్ చేసి అందరినీ ఆశ్చర్యపరిచాడు. దేవయాని ఈ ఏడాదే దర్శకురాలిగా పరిచయం కాబోతున్నారని, ఇది జోక్ కాదని ఆయన క్లారిటీ ఇచ్చారు.
ఆమె దర్శకత్వంలో ఓ అద్భుతమైన షార్ట్ ఫిలిం రూపుదిద్దుకుంటోందని, దానికి ఇళయరాజా స్వరాలు సమకూరుస్తున్నారని చెప్పి ఇండస్ట్రీ వర్గాల్లో ఓ కొత్త ఆసక్తిని రేకెత్తించాడు సిద్దార్థ్ (Siddharth). ఆమె దర్శకత్వంపై ఎంత ప్యాషనేట్గా ఉన్నారంటే, ఆమె షార్ట్ ఫిలిం షూటింగ్ కోసం ‘3BHK’ సినిమా చిత్రీకరణను సైతం ఒకరోజు వాయిదా వేసుకున్నారట.
ఆ షార్ట్ ఫిలిం ఔట్పుట్ చాలా అద్భుతంగా వచ్చిందని కూడా సిద్దార్థ్ చెప్పాడు. ‘సుస్వాగతం’ తర్వాత దేవయాని తెలుగులో సినిమాలు చేసినా అవి ఆశించిన స్థాయి సక్సెస్ అవ్వలేదు. తర్వాత మహేష్ బాబు (Mahesh Babu) ‘నాని’ (Naani) చిత్రంలో తల్లిగా నటించి ఆకట్టుకుంది. నటిగా తెలుగు ప్రేక్షకుల గుండెల్లో ప్రత్యేక స్థానాన్ని సంపాదించుకున్న దేవయాని, ఇప్పుడు దర్శకురాలిగా ఎంతవరకు మెప్పిస్తారో చూడాలి.
దేవయాని దర్శకురాలిగా మారుతున్నారు#3bhk #Siddharth #SarathKumar #Devayani #YogiBabu #MeethaRaghunath #Chaithra #SriGanesh #AmritRamnath #ArunViswa #3bhkTeluguTrailer pic.twitter.com/NUnK6JcDer
— Filmy Focus (@FilmyFocus) June 27, 2025
