Shankar, Ram Charan: శంకర్‌ సినిమాకు హాల్ట్‌.. ఈసారి చరణే కారణం!

రామ్‌చరణ్‌ – శంకర్‌ – దిల్‌ రాజు కాంబినేషన్‌లో ఓ సినిమా తెరకెక్కుతున్న విషయం తెలిసిందే. యువ దర్శకుడు కార్తిక్‌ సుబ్బరాజు అందించిన కథతో ఈ సినిమా రూపొందిస్తున్నారు. అయితే ఈ సినిమా ముహూర్తపు షాట్‌ తర్వాత అంత ఈజీగా ఏమీ లేదు. అంతా ఓకే సినిమా షూటింగ్‌ చేద్దాం అనుకున్నప్పుడల్లా ఏదో ఒక సమస్య వస్తూనే ఉంది. తాజాగా మరో సమస్య వచ్చింది. అయితే ఇది గతంలో వచ్చినంత పెద్ద సమస్య కాదు కానీ… సినిమా షూటింగ్‌ అయితే అనుకున్నట్లుగా చేయలేకపోతున్నారు.

Click Here To Watch

శంకర్‌ – చరణ్‌ సినిమా చిత్రీకరణ పుణె, హైదరాబాద్ పరిసర ప్రాంతాలలో కొంత భాగం చిత్రీకరణ పూర్తి చేసుకుంది. ఈ షెడ్యూళ్లలో భారీ యాక్షన్ సీక్వెన్స్, పాటను చిత్రీకరించారని సమాచారం. ఆ తర్వాత ‘ఆర్ఆర్‌ఆర్‌’ ప్రచారం కోసం చరణ్‌ గ్యాప్‌ తీసుకున్నారు. తిరిగి శంకర్‌ సినిమా కొత్త షెడ్యూల్‌ను ఫిబ్రవరి 10 నుండి మొదలు పెట్టాలని అనుకున్నారు. దీని కోసం శంకర్‌ టీమ్‌ ఇప్పటికే లొకేషన్స్‌ కూడా ఫిక్స్‌ చేశారు. అక్కడ పనులు కూడా పూర్తయ్యాయి. కానీ అక్కడ షూటింగ్‌ మొదలవ్వలేదు.

ఈ షెడ్యూల్‌లో తూర్పుగోదావరి జిల్లాలోని గ్రామీణ ప్రాంతాల్లో చిత్రీకరణ జరపాలని టీమ్‌ అనుకున్నారట. కానీ చూస్తే అనుకున్న సమయానికి మూడు రోజుల దాటిపోయింది కానీ… అక్కడ షూటింగ్‌ మొదలవ్వలేదు. విషయం ఏంటా అని ఆరా తీస్తే… రామ్‌చరణ్‌ అందుబాటులో లేకపోవడమే అని అంటున్నారు. రామ్ చరణ్ బిజినెస్ వ్యవహారాల నిమిత్తం ప్రస్తుతం ముంబయిలో ఉన్నారు. అక్కడ అనుకున్న సమయానికి పనులు అవ్వలేదట. సోదరి శ్రీజతో కలసి రామ్‌ చరణ్‌ ఇటీవల ముంబయి వెళ్లాడు. ఈ క్రమంలో ఎయిర్‌పోర్ట్‌లో తీసిన ఫొటోలు వైరల్‌గా మారాయి.

ఈ పర్యటన ఇంకా పూర్తవ్వకపోవడమే సినిమా షూటింగ్‌ రీస్టార్ట్‌కి ఆలస్యం అంటున్నారు. అయితే ఈ రోజు నుండి షూటింగ్‌ ఉంటుంది అని అన్నారు. మరి మొదలైందా లేదా అనేది తెలియాల్సి ఉంది. ఈ సినిమాకు తమన్‌ సంగీతం అందిస్తున్నాడు. అన్నీ వీలైతే ఈ సినిమాను వచ్చే సంక్రాంతికి విడుదల చేసే ఆలోచనలో ఉన్నారు దిల్‌ రాజు.

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!