Hero Ram: షాకింగ్ రేటుకు రామ్ మూవీ ఆడియో రైట్స్!

మిడిల్ రేంజ్ హీరో రామ్ లింగుస్వామి డైరెక్షన్ లో ఒక సినిమాలో నటిస్తున్న సంగతి తెలిసిందే. రామ్ కెరీర్ లోనే హైయెస్ట్ బడ్జెట్ తో ఈ సినిమా తెరకెక్కుతుండటం గమనార్హం. రామ్ కు జోడీగా కృతిశెట్టి నటిస్తుండగా ఈ మూవీ కోసం కృతి రికార్డు స్థాయిలో పారితోషికం తీసుకుంటున్నారు. ఈ సినిమా ఆడియో హక్కులను ఆదిత్య మ్యూజిక్ కొనుగోలు చేసిందని ఏకంగా 2.75 కోట్ల రూపాయలకు ఈ సినిమా హక్కులు అమ్ముడయ్యాయని సమాచారం.

దేవి శ్రీ ప్రసాద్ ఈ సినిమాకు సంగీతం అందిస్తుండగా మిడిల్ రేంజ్ హీరో అయినప్పటికీ రామ్ సినిమా ఆడియో హక్కులు భారీ ధరకు అమ్ముడవడం గమనార్హం. స్టైలిష్ మాస్ ఎంటర్టైనర్ లను తెరకెక్కించగల లింగుస్వామికి ఉండే క్రేజ్ వల్లే ఈ సినిమా ఆడియో హక్కులు రికార్డు రేటుకు అమ్ముడైనట్లు తెలుస్తోంది. ఈ సినిమాలో మరో హీరోయిన్ గా అక్షర గౌడ నటిస్తుండగా ఆమె పాత్ర నెగిటివ్ షేడ్స్ తో ఉంటుందని సమాచారం.

శ్రీనివాస్ చిట్టూరి ఈ సినిమాను నిర్మిస్తుండగా శ్రీనివాస్ సిల్వర్ స్క్రీన్స్ బ్యానర్ పై ఈ సినిమా తెరకెక్కుతోంది. మాస్ కథను సిద్ధం చేసిన లింగుస్వామి పాన్ ఇండియా మూవీగా ఈ సినిమాను తెరకెక్కిస్తున్నారు. వచ్చే ఏడాది ఈ సినిమా రిలీజ్ కానుంది. ఉప్పెన సినిమాలో పద్ధతిగా కనిపించిన కృతిశెట్టి రామ్ సినిమాలో బోల్డ్ రోల్ లో కనిపించనున్నారు. రామ్ డిఫరెంట్ షేడ్ లో ఈ సినిమాలో కనిపించనున్నారని సమాచారం.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!