Shruti Haasan: ‘సలార్‌’ కోసం శ్రుతి డేర్‌ స్టెప్‌.. అయినా ఆమెకివి మామూలే!

ఇండస్ట్రీలోకి వచ్చి దశాబ్దం దాటిపోయినా, పుష్కరం గడిచిపోయినా డబ్బింగ్‌ చెప్పడానికి ముందుకు రాని హీరోయిన్లు ఉన్న ఇండస్ట్రీ మనది. అయితే వాళ్లు ఎంట్రీ ఇచ్చిన సమయంలో వారికి అలాంటి రిసెప్షన్‌ దొరికింది. అది కంటిన్యూ అవుతోంది. అయితే కొందరు కథానాయికలు ఇప్పుడు రెండో సినిమా నుండే డబ్బింగ్‌ చెప్పడానికి ముందుకొస్తున్నారు. కానీ ఇప్పుడు ఓ సీనియర్‌ హీరోయిన్‌ ఒకటి కాదు, రెండు కాదు ఏకంగా ఐదు భాషల్లో సినిమాకు డబ్బింగ్‌ చెబుతోందట.

మొన్నటికి సంక్రాంతికి ‘వీరసింహారెడ్డి’, ‘వాల్తేరు వీరయ్య’ అంటూ రెండు సినిమాలతో విజయాలు అందుకుని తిరిగి స్టార్‌ హీరోయిన్‌ స్టేటస్‌ను తెచ్చుకుంది శ్రుతి హాసన్‌. ఆ సినిమాల తర్వాత తెలుగులో మరో సినిమా ఓకే చేయకపోయినా.. గతంలో చేసిన ‘సలార్‌’ సినిమా ఉంది. ఈ సినిమా విడుదలకు సిద్ధమవుతున్న వేళ ఓ ఆసక్తికరమైన విషయం బయటకు వచ్చింది. శ్రుతి తన పాత్ర కోసం డబ్బింగ్‌ చెప్పడం షురూ చేసిందట. ‘సలార్‌’ కోసం మొత్తం ఐదు భాషల్లోనూ సొంత గొంతునే వినిపించనుందట.

ఈ మేరకు శ్రుతి హాసన్‌ (Shruti Haasan) ఈ వివరాల్ని వెల్లడించింది. ఇప్పటికే మూడు భాషలకు సంబంధించిన డబ్బింగ్‌ పనులు పూర్తయ్యాని, మరో రెండు భాషల్లో డబ్బింగ్‌ చెప్పాల్సి ఉందని శ్రుతి తెలిపింది. నిజానికి శ్రుతికి ఇలాంటివన్నీ మామూలే. కమల్‌ హాసన్‌ కూతురిగా ఇండస్ట్రీలోకి అడుగుపెట్టినా.. ఎక్కడా ఆ ఫీలింగ్‌ కలగకుండా తనకంటూ ప్రత్యేకతను ఏర్పరుచుకుంది. నటిగా, గాయనిగా, డ్యాన్సర్‌గా రాణించింది. ఇప్పుడు ఐదు భాషల్లో డబ్బింగ్ చెప్పి తండ్రికి తగ్గ తనయగా పేరు తెచ్చుకుంది.

ఈ సినిమాను తెలుగు, తమిళ, హిందీ, కన్నడ, మలయాళ భాషల్లో విడుదల చేస్తారు. ‘కేజీయఫ్‌’ సిరీస్‌ సినిమాల విజయాల తర్వాత ప్రశాంత్‌ నీల్‌ రూపొందించిన పాన్‌ ఇండియా సినిమాలో తొలి పార్టు ‘సలార్‌: ది సీస్‌ ఫైర్‌’. హోంబలే ఫిల్మ్స్‌ సంస్థ నిర్మించింది. ఈ సినిమా సెప్టెంబరు 28న విడుదలవుతోంది. సినిమా విడుదల తేదీ దగ్గర పడుతున్నా… సినిమా టీమ్‌ నుండి అప్‌డేట్స్‌ లేవని ప్రభాస్‌ ఫ్యాన్స్‌ హర్ట్‌ అవుతున్నారు.

అయితే డబ్బింగ్‌ పనులతో బిజీగా ఉండటం వల్లే ఏమీ చెప్పడం లేదని సమాచారం. అయితే సెప్టెంబరు తొలి వారంలో ట్రైలర్‌ విడుదల చేసేందుకు సన్నాహాలు చేస్తున్నారట. దాంతో సినిమా ప్రచారం మొదలవుతుంది. ఈ సినిమా కోసం ‘సలార్‌’ టీమ్‌ చిన్నసైజ్‌ ఇండియా టూర్‌ ప్లాన్‌ చేస్తున్నారట.

మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?

మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!