బాహుబలికి షాక్ ఇచ్చిన సింగపూర్ సెన్సార్ బోర్డు

జీవనదిలా ప్రవహిస్తున్న బాహుబలికి ఆనకట్ట ఎదురైంది. రాజమౌళి, ప్రభాస్ కాంబినేషన్లో వచ్చిన బాహుబలి కంక్లూజన్ నాలుగు భాషల్లో ప్రపంచవ్యాప్తంగా 9000 థియేటర్లలో రిలీజ్ అయి 20 రోజుల్లో 1500 కోట్ల మైలు రాయిని దాటింది. ఓ వైపు ప్రశంసల జల్లు, మరో వైపు కలక్షన్ల సునామీ సృష్టిస్తున్న ఈ చిత్రానికి సింగపూర్ లో చుక్కఎదురైంది. నిర్మాతలు శోభు, ప్రసాద్ లు బాహుబలి 2 సింగపూర్ లో రిలీజ్ చేయడానికి అక్కడి సెన్సార్ సభ్యుల వద్దకు చిత్రాన్ని తీసుకుపోయారు. బాహుబలి రెండో పార్ట్ ని చూసిన సెన్సార్ బోర్డు సభ్యులు ఏ(ఎన్సీ 16) సర్టిఫికేట్ జారీ చేశారు. అంటే అక్కడ 16 ఏళ్ల లోపు పిల్లలను బాహుబలి 2 సినిమాను చూసేందుకు అనుమతించరు.

సినిమాలో రక్తపాతం ఎక్కువగా ఉందన్న కారణంతో ఈ నిర్ణయం తీసుకున్నట్లు తెలిసింది. తెలుగు రాష్ట్రాలతో పాటు, భారత సెన్సార్ బోర్డ్ సభ్యులు బాహుబలి 2కి ఎలాంటి కట్స్ లేకుండా యు/ఎ సర్టిఫికేట్ జారీ చేశారు. అంటే పెద్దల సమక్షంలో పిల్లలు ఈ సినిమాని చూడవచ్చని అర్ధం. అయితే సినిమాలో సైనికుల తలలు నరికే సన్నివేశాలు ఎక్కువగా ఉండడంతో సింగపూర్ సెన్సార్ బోర్డ్ ఏ సర్టిఫికెట్ ఇచ్చింది. దీని వల్ల ఆ దేశంలో కలక్షన్స్ తగ్గే ఆస్కారం ఉంది.

Also, do SUBSCRIBE to our YouTube channel to get latest Tollywood updates.