SR Kalyanamandapam: ‘ఎస్.ఆర్.కళ్యాణమండపం’ ఓటిటి రిలీజ్ డేట్ ఫిక్స్..!

కిరణ్ అబ్బవరం,ప్రియాంకా జవాల్కర్ లు హీరో,హీరోయిన్లుగా శ్రీధర్ గాదే దర్శకత్వంలో తెరకెక్కిన లేటెస్ట్ మూవీ ‘ఎస్.ఆర్.కళ్యాణ మండపం’ ‘ఎలైట్ ఎంట‌ర్ టైన్మెంట్స్’ బ్యానర్ పై రాజు, ప్ర‌మోద్‌లు నిర్మించిన ఈ చిత్రానికి చేతన్ భరద్వాజ్ సంగీత దర్శకుడు. సాయి కుమార్ కీలక పాత్రను పోషించిన ఈ చిత్రం ఆగష్ట్ 6న విడుదలైంది. ముందు నుండీ ఈ చిత్రం పై మంచి అంచనాలు ఏర్పడడంతో టాక్ తో సంబంధం లేకుండా బాక్సాఫీస్ వద్ద సక్సెస్ ఫుల్ మూవీగా నిలిచింది.

లో-బడ్జెట్ చిత్రాలను ఎటువంటి సందేహం లేకుండా థియేటర్లలో విడుదల చేసుకోవచ్చు అని చాలా మంది దర్శకనిర్మాతలకు భరోసా ఇచ్చిన చిత్రమిది.ఒకవేళ ఈ సినిమాకి కనుక పాజిటివ్ టాక్ వచ్చి ఉంటే మరింతగా కలెక్ట్ చేసేది అనడంలో అతిశయోక్తి లేదు.ఇదిలా ఉండగా.. ఈ చిత్రం అతి త్వరలో ఆహా.. ఓటిటిలో స్ట్రీమింగ్ కాబోతుంది. ఆగష్ట్ 27 నుండీ ఈ చిత్రం ఆహా లో స్ట్రీమ్ కాబోతుంది ‘ఎస్.ఆర్.కళ్యాణమండపం’.దీనికి సంబంధించిన అధికారిక ప్రకటన కూడా ఈ వారంలో వచ్చే అవకాశం ఉంది.

అంటే సినిమా విడుదలైన 3 వారాలకే ఈ చిత్రం ఓటిటిలో స్ట్రీమ్ కాబోతుందన్న మాట. ‘కలర్ ఫోటో’, ‘క్రాక్’,’కుడి ఎడమైతే’, ‘నాంది’ వంటి సక్సెస్ ఫుల్ ప్రాజక్టులతో దూసుకుపోతున్న ఆహాలో.. బాక్సాఫీస్ వద్ద సక్సెస్ సాధించిన ‘ఎస్.ఆర్.కళ్యాణమండపం’ కూడా స్ట్రీమ్ కాబోతుండడం విశేషం.రాయలసీమ బ్యాక్డ్రాప్ లో తెరకెక్కిన ఈ చిత్రం ఇప్పటికీ థియేటర్లలో డీసెంట్ రన్ ను కొనసాగిస్తుండడం విశేషం.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!