పవన్ కళ్యాణ్, సాయి ధరమ్ కలయికలో రూపొందిన ‘బ్రో’ సినిమా జూలై 28 న విడుదల కాబోతోంది. తమిళంలో సూపర్ హిట్ అయిన ‘వినోదయ సీతమ్’ కి ఈ చిత్రం రీమేక్. ఒరిజినల్ ను డైరెక్ట్ చేసిన సముద్రఖని.. ‘బ్రో’ ని కూడా డైరెక్ట్ చేయడం జరిగింది.’పీపుల్ మీడియా ఫ్యాక్టరీ’ సంస్థ పై టి.జి.విశ్వప్రసాద్, వివేక్ కూచిభొట్ల ఈ చిత్రాన్ని నిర్మిస్తున్నారు. తమన్ సంగీత దర్శకుడు. ప్రమోషన్స్ లో భాగంగా విడుదలైన టీజర్ కు మంచి రెస్పాన్స్ రాగా, రెండు పాటలకి మాత్రం యావరేజ్ రెస్పాన్స్ వచ్చింది.
ఇక బజ్ ను పెంచడానికి ట్రైలర్ ను నిన్న సాయంత్రం 6 గంటల 3 నిమిషాలకు మేకర్స్ రిలీజ్ చేయడం జరిగింది.ట్రైలర్ కి మంచి రెస్పాన్స్ లభించింది. ఇందులో పవన్ కళ్యాణ్ ఫ్యాన్స్ ను ఆకట్టుకునే అంశాలు పుష్కలంగా ఉన్నాయి. ఇదిలా ఉండగా.. ఈ చిత్రంలో నటించే ఛాన్స్ ను ఓ హీరోయిన్ మిస్ చేసుకుందట. ఆమె మరెవరో కాదు రెబా మోనికా జాన్. పేరు చూడగానే కొంచెం కన్ఫ్యూజ్ అవుతారేమో. ఆమె టాలీవుడ్ కి సుపరిచితురాలే.
ఈ మధ్యనే ‘సామజవరగమన’ చిత్రంతో తెలుగు ప్రేక్షకులకు పరిచయమైంది. ఆ సినిమా పెద్ద బ్లాక్ బస్టర్ అయిన సంగతి తెలిసిందే. అయితే ‘బ్రో’ సినిమాలో ఈమెకు నటించే ఛాన్స్ వస్తే మిస్ చేసుకుందట. అలా అని రెబా ఈ సినిమాలో మిస్ చేసుకున్నది హీరోయిన్ కేతిక శర్మ పాత్రేమీ కాదు.
ఈ సినిమాలో (BRO Movie) మార్క్ పాత్ర చేస్తున్న సాయి ధరమ్ తేజ్ చెల్లెలి పాత్రకి ఈమె ఆడిషన్ ఇచ్చిందట. కానీ ‘బ్రో’ మేకర్స్ ఆమెను రిజెక్ట్ చేసినట్లు తెలుస్తుంది. ఈ సినిమాలో మిస్ అయినా ‘సామజవరగమన’ అనే బ్లాక్ బస్టర్ సినిమాలో హీరోయిన్ గా తెలుగు ప్రేక్షకులకి దగ్గరైంది ఈ బ్యూటీ.
హిడింబ సినిమా రివ్యూ & రేటింగ్!
అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!
Home