ఏడాదికి నాలుగైదు సినిమాలు చేసే హీరో అతను.. ఆ నెంబరు చూసి యంగ్‌ హీరో అనుకునేరు.. ఆయన సీనియర్‌ హీరో. వంటి మీదకు 73 ఏళ్లు వచ్చినా ఎక్కడా ఆ ఫీలింగ్‌ కలగని హీరో. ఎందుకంటే సినిమాల ఎంపికలో, ఎంచుకునే కథల శైలిలో, రిలీజ్‌ చేసేటప్పుడు చేసే ప్రచారంలో ఎక్కడా ఆయన కుర్రాడు కాదు అనిపించదు. ఆయన ఎవరో కాదు.. మలయాళ సూపర్‌ స్టార్‌ మమ్ముట్టి (Mammootty) . ఈ ఏడాది ఇప్పటికే మూడు సినిమాలు రిలీజ్‌ చేసి, మంచి విజయాలు అందుకున్న మమ్ముట్టి రెండు సినిమాలను లైన్‌లో పెట్టారు.
ఒక సినిమా పోస్ట్‌ ప్రొడక్షన్‌లో ఉండగా.. మరో సినిమా శరవేగంగా చిత్రీకరణ జరుపుకుంటోంది. ఈ నేపథ్యంలో మూడో సినిమాను మమ్ముట్టి ఓకే చేశారు. ఈ విషయాన్ని అధికారికంగా ప్రకటిస్తూ కొత్త పోస్టర్‌ను షేర్‌ చేశారు. మమ్ముట్టి ప్రొడక్షన్‌ హౌస్‌లో రూపొందుతున్న ఏడో సినిమా ఇది. ఈ సినిమాలో మమ్ముట్టి వైవిధ్యమైన పాత్ర పోషిస్తారుఅని గత కొన్ని రోజులుగా వార్తలొస్తున్నాయి. అయితే అది విలన్‌ అని తెలుస్తోంది.
జితిన్‌ కె.జోస్‌ దర్శకత్వంలో రూపొందుతున్న ఈ సినిమాలో ‘జైలర్’ (Jailer) ఫేమ్‌ విలన్‌ వినాయకన్‌ (Vinayakan) కీలక పాత్ర పోషిస్తున్నారు. సస్పెన్స్‌ థ్రిల్లర్‌ నేపథ్యంలో రూపొందుతున్న ఈ సినిమిఆలో మమ్ముట్టి విలన్‌ అని మాలీవుడ్‌ టాక్. మరి ఇందులో నిజమెంతో చూడాలి. ఇక మమ్ముట్టి లైనప్‌ సంగతి చూస్తే.. డీనో డెన్నిస్‌ దర్శకత్వంలో ‘బజూకా’ అనే సినిమా చేస్తున్నారు. ఈ సినిమాను ఈ ఏడాది ఆఖరులో రిలీజ్‌ చేస్తారని టాక్ నడుస్తోంది.
దీని తర్వాత ఆయన ‘డొమినిక్‌ అండ్‌ ది లేడీస్‌ పర్స్‌’ అనే సినిమా చేస్తున్నారు. ఈ సినిమాను గౌతమ్‌ వాసుదేవ్‌ మేనన్‌ (Gautham Vasudev Menon) తెరకెక్కిస్తున్నారు. మలయాళంలో ఆయనకు ఇది తొలి సినిమా కావడం గమనార్హం. ఇందులో సమంత కూడా నటిస్తోంది అనే వార్త తొలుత వచ్చింది. అయితే ఆ తర్వాత ఎలాంటి వార్తలు లేవు.
Home