Roshan: రోషన్‌ కనకాల సినిమా దర్శకుడు అతడేనట!

April 6, 2022 / 12:28 PM ISTByFilmy Focus

Join Us

Roshan: రోషన్‌ కనకాల సినిమా దర్శకుడు అతడేనట!

రాజీవ్ కనకాల – సుమ తనయుడు రోషన్‌ కనకాలను హీరోగా చేయాలని చాలా ఏళ్ల క్రితమే అనుకున్నారు. దీని కోసం కొన్ని ప్రయత్నాలు చేశారు కానీ.. అవేవీ సరిగ్గా వర్కవుట్‌ కాలేదు అని చెప్పొచ్చు. అయితే తాజాగా మరోసారి సుమ… సినిమా ప్రయత్నాలు మొదలుపెట్టారని తెలుస్తోంది. ఈ సారి కొత్త దర్శకుడు కాకుండా… కాస్త పేరున్న దర్శకుడితోనే తన కుమారుడిని తెరంగేట్రం చేయించాలని చూస్తున్నారట. త్వరలోనే ఈ సినిమా గురించి అనౌన్స్‌మెంట్‌ ఉంటుందని చెబుతున్నారు.

రోషన్‌ కనకాల హీరోగా ఓ సినిమా అనౌన్స్‌ చేశారు, అక్కడికి కొద్ది రోజులకు ఓపెనింగ్‌ కార్యక్రమం కూడా నిర్వహించారు. 2020 నవంబరులో దేవస్థానంలో ఈ కార్యక్రమం జరిగింది. విజయ్‌ అనే కొత్త దర్శకుడితో ఈ సినిమా ఉంటుందని చెప్పారు కూడా. అయితే ఏమైందో ఏమో కానీ ఇప్పటివరకు ఆ సినిమా గురించి ఎలాంటి అప్‌డేట్స్‌ లేవు. ఇప్పుడు కొత్తగా వేరే సినిమా చేస్తున్నారని వార్తలొస్తున్నాయి. అన్నీ అనుకున్నట్లుగా జరిగితే త్వరలోనే ఈ అనౌన్స్‌మెంట్ ఉండొచ్చట.

‘ఉయ్యాలా జంపాలా’, ‘మజ్ను’ సినిమాలతో వైవిధ్యమైన ప్రేమకథల దర్శకుడిగా పేరు తెచ్చుకున్న విరించి వర్మ ఈ సినిమాకు దర్శకత్వం వహిస్తారని అంటున్నారు. అంతేకాదు ‘ఆ!’, ‘జాంబీ రెడ్డి’ లాంటి సినిమాలు చేసిన ప్రశాంత్‌ వర్మ ఈ సినిమాకు కథ అందిస్తున్నారని అంటున్నారు. అదిరిపోయే కాంబినేషన్‌ కదా ఇది. అందుకే సుమ ఈ ప్రాజెక్ట్‌ గురించి బలంగా ట్రై చేస్తున్నారట. విరించి వర్మ స్టైల్‌లోనే ఈ సినిమా కూడా క్యూట్ రొమాంటిక్ స్టోరీ అని తెలుస్తోంది.

ఇక ఈ సినిమాకు నిర్మాత ఎవరు అనేదే ఇక్కడ ప్రశ్నగా మారింది. సుమ అడిగితే నో చెప్పే నిర్మాతలు ఉంటారు అనుకోవడం కరెక్ట్‌ కాదు. ఎందుకంటే అంరితో స్నేహంగా ఉంటుంది సుమ. ఇక రాజీవ్‌ కనకాల కూడా ఎందరికో సుపరిచితుడు. ఈ పరిచయంతో సుమ తన కొడుకుని హీరో చేయాలని చూస్తున్నారట. చూద్దాం ఈ సినిమా ఎప్పుడు అనౌన్స్‌ చేస్తారో. పనిలోపనిగా ఆ పాత సినిమా ఏమైందో కూడా తెలియొచ్చు.