Bangaraju Movie: నాగార్జున సినిమాకి చోటిస్తారా..?

ఈ సంక్రాంతి పోటీ రసవత్తరంగా మారింది. ఓ పక్క ‘ఆర్ఆర్ఆర్’.. మరోపక్క ‘భీమ్లానాయక్’ సినిమాలు రాబోతున్నాయి. వీటితో పాటు ‘రాధేశ్యామ్’ సినిమా కూడా రిలీజ్ కానుంది. ఈ మూడు సినిమాల్లో ఒక సినిమా వెనక్కి వెళితే.. మిగిలిన రెండు సినిమాలకు కాస్త రిలీఫ్ ఉంటుంది. అయితే ఈ మధ్యలో ‘బంగార్రాజు’ కూడా రిలీజ్ కి రెడీ అంటున్నాడు. నాగార్జున హీరోగా నటించిన ‘బంగార్రాజు’ సినిమాను సంక్రాంతికి విడుదల చేయాలని ప్లాన్ చేస్తున్నారట.

ఈ విషయంపై నిర్మాత సుప్రియ మాట్లాడారు. ‘బంగార్రాజు’ రిలీజ్ డేట్ గురించి ఓ ఇంటర్వ్యూలో వెల్లడించింది. బంగార్రాజుని సంక్రాంతి కోసమే సిద్ధం చేస్తున్నామని.. అన్నీ కుదిరితే సంక్రాంతికి రావడం పక్కా అని సుప్రియ అంటున్నారు. అయితే ఇక్కడ ఓ చిన్న కండీషన్ ఉంది. సంక్రాంతికి ఇప్పటికే రిలీజ్ డేట్లు ప్రకటించిన ‘ఆర్ఆర్ఆర్’, ‘రాధేశ్యామ్’, ‘భీమ్లానాయక్’ ల నుంచి ఒక సినిమా డ్రాప్ అయితే ఆ ప్లేస్ లో బంగార్రాజుని రిలీజ్ చేయాలని ప్లాన్ చేస్తున్నారు.

నాలుగు సినిమాలకు సంక్రాంతి బరిలో చోటు లేదని.. రెండు సినిమాలకైతే హ్యాపీగా ఉంటుందని చెబుతున్నారు. రెండు సినిమాలు వస్తే.. తమకు కావాల్సిన సంఖ్యలో థియేటర్లు దొరుకుతాయని సుప్రియ తెలిపారు. ప్రస్తుతానికైతే తమ టార్గెట్ సంక్రాంతి అని క్లారిటీ ఇచ్చారు సుప్రియ. మరి ‘బంగార్రాజు’కి చోటిస్తారో లేదో చూడాలి!

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!

Share.