Kuberaa: ‘కుబేర’.. రష్మిక పాట మిస్ అయ్యిందిగా…!

‘కుబేర’ (Kuberaa) సినిమా ఈరోజు ప్రేక్షకుల ముందుకు వచ్చింది. మొదటి షో నుండీ ఈ సినిమాకి యునానిమస్ గా పాజిటివ్ రెస్పాన్స్ వస్తుంది. దర్శకుడు శేఖర్ కమ్ముల (Sekhar Kammula) దర్శకత్వ ప్రతిభ, ధనుష్ (Dhanush) డేరింగ్ పెర్ఫార్మన్స్, అక్కినేని నాగార్జున (Akkineni Nagarjuna) సహజత్వంతో కూడిన నటన… వీటన్నిటినీ ప్రశంసిస్తూ సోషల్ మీడియాలో నెటిజన్లు ‘కుబేర’ కి పాజిటివిటీ పెంచుతున్నారు.

Kuberaa

ఫస్ట్ హాఫ్ చాలా గ్రిప్పింగ్ గా సాగిందని, సెకండాఫ్ లో ప్రీ క్లైమాక్స్ నుండి కొంత స్లో అయ్యిందని అంతా అభిప్రాయపడుతున్నారు. దీనికి నిడివి కూడా ఓ కారణమనే టాక్ కూడా ఎక్కువగానే వినిపిస్తుంది. ఏదేమైనా శేఖర్ కమ్ముల (Sekhar Kammula) తీసుకున్న పాయింట్ కి.. జస్టిఫికేషన్ జరిగింది అని అంటున్నారు. బాక్సాఫీస్ ఫలితం ఎలా ఉంటుంది అనేది తెలియాల్సి ఉంది.

ఈ విషయాలు పక్కన పెట్టేస్తే.. ఈ సినిమాకి దేవిశ్రీ ప్రసాద్ (Devi Sri Prasad) సంగీతం అందించాడు. పాటలు బ్యాక్ గ్రౌండ్ స్కోర్ కి మంచి మార్కులు పడ్డాయి. కానీ సినిమాలో ఓ పాట మిస్ అవ్వడంతో.. ఓ సెక్షన్ ఆఫ్ ఆడియన్స్ షాకయ్యారు. ఆ పాట మరేదో కాదు ‘పిప్పిప్పి డుం డుం డుం’.

రష్మిక (Rashmika Mandanna) పై చిత్రీకరించిన పాట ఇది. హాస్టల్ వాతావరణంలో చిత్రీకరించారు. సెకండాఫ్ లో వచ్చే సాంగ్ ఇది. సినిమా నిడివి పెరిగిపోయింది అని 20 నిమిషాల పైనే పోర్షన్ ను కట్ చేశారు. అందులో ఈ పాట కూడా ఉంది అని స్పష్టమవుతుంది. ప్రమోషన్స్ కోసం అయితే ఈ పాటని వాడుకున్నారు. ఈ ఒక్క పాట కోసం కోటిన్నర ఖర్చుపెట్టారట. ఇప్పుడు నిడివి పెరుగుతుందని తీసేశారు.

సితారే జమీన్ పర్ సినిమా రివ్యూ & రేటింగ్!