నితిన్ (Nithiin) తన హిట్టు, ఫ్లాపుల పరంపర మీద తానే జోక్ చేసుకున్న సందర్భాలు కోకొల్లలు. “రాబిన్ హుడ్” (Robinhood) మీద చాలా అంచనాలు పెట్టుకున్నాడు కానీ.. సినిమా పెద్ద డిజాస్టర్ అయ్యింది. అయితే.. నితిన్ తాజా చిత్రం “తమ్ముడు” (Thammudu) మాత్రం ష్యూర్ షాట్ హిట్ ఫీల్ ఇచ్చింది. ట్రైలర్ తో కథ మొత్తం చెప్పడం అనేది చాలా అరుదుగా చూస్తుంటాం.
దర్శకుడు శ్రీరామ్ వేణు (Sri Ram Venu) “తమ్ముడు” ట్రైలర్ కోసం ఆ మార్గాన్నే ఎంచుకున్నాడు. తాను ఏం చెప్పబోతున్నాడు, ప్రేక్షకులు ఏం చూడబోతున్నారు అనేది ఆల్మోస్ట్ రివీల్ చేసేశాడు. ముఖ్యంగా సినిమా నేపథ్యాన్ని వివరించిన విధానం, పాత్రధారుల వ్యక్తిత్వాలను ఎలివేట్ చేసిన తీరు, అన్నిటికీ మించి సినిమా సెటప్ సినిమా మీద మంచి అంచనాలు నమోదయ్యేలా చేసింది.
అక్క ఇచ్చిన మాట కోసం తమ్ముడు (Thammudu) చేసే యుద్ధమే ఈ చిత్రం అని ట్రైలర్ తోనే క్లారిటీ ఇచ్చారు. అక్కగా లయ, తమ్ముడిగా నితిన్, విలన్ గా సౌరభ్ సచ్ దేవా (Saurabh Sachdeva) , హీరోయిన్ గా సప్తమి గౌడ (Sapthami Gowda), కీలకపాత్రల్లో శ్వాసిక, వర్ష బొల్లమ్మ మంచి స్క్రీన్ ప్రెజన్స్ తో ఆకట్టుకున్నారు. అలాగే.. సీజీ కూడా చాలా డీసెంట్ గా ఉంది. దిల్ రాజు బ్యానర్ కి, నితిన్ కి “తమ్ముడు” పూర్వ వైభవం తీసుకొచ్చే అవకాశాలు పుష్కలంగా ఉన్నాయి.
ఇక టెక్నికల్ గా చూసుకుంటే.. అజనీష్ లోక్నాథ్ బీజీయం, కెవి గుహన్ సినిమాటోగ్రఫీ కంటెంట్ ను బాగా ఎలివేట్ చేసారు. డైలాగ్స్ లో కూడా ఎక్కడా అతి లేకుండా చాలా సింపుల్ గా ఉండేలా చూసుకున్నాడు దర్శకుడు శ్రీరామ్ వేణు. జూలై 4న విడుదలవుతున్న “తమ్ముడు”కు పోటీగా కూడా మరో సినిమా లేకపోవడం అనేది మంచి పాజిటివ్ సైన్ అని చెప్పొచ్చు. ఈ సినిమాతో గనుక నితిన్ హిట్టు కొట్టగలిగితే తన ఫ్లాపుల పరంపరకు బ్రేక్ ఇచ్చినట్లవుతుంది, తదుపరి సినిమా ఎలాగూ “ఎల్లమ్మ” మళ్లీ దిల్ రాజు (Dil Raju) బ్యానర్ లోనే కాబట్టి.. నితిన్ మళ్లీ ఫామ్ లోకి వచ్చినట్లే!
Home