Chennai Love Story: ‘చెన్నై లవ్ స్టోరీ’ .. సినిమా వెనుక ఇంత కథ ఉందా..!

కిరణ్ అబ్బవరం (Kiran Abbavaram) హీరోగా ‘చెన్నై లవ్ స్టోరీ’ (Chennai Love Story) అనే కొత్త సినిమా రాబోతుంది. రవి నంబూరి దర్శకత్వం వహిస్తున్న సినిమా ఇది. శ్రీ గౌరీ ప్రియ (Sri Gouri Priya) హీరోయిన్ గా నటిస్తుంది. ‘బేబీ’ (Baby) దర్శకుడు సాయి రాజేష్ (Sai Rajesh Neelam).. ఈ చిత్రానికి కథ అందించడంతో పాటు ఓ నిర్మాతగా కూడా వ్యవహరిస్తున్నారు. ఎస్.కె.ఎన్ నిర్మాత (SKN), అలాగే ధీరజ్ మొగిలినేని సహా నిర్మాత. ఈ సినిమాకి సంబంధించిన గ్లింప్స్ కొద్దిసేపటి క్రితం రిలీజ్ అయ్యింది.

Chennai Love Story

హీరో కిరణ్ అబ్బవరం, హీరోయిన్ శ్రీ గౌరీ ప్రియ..లు బీచ్ లో ఫస్ట్ లవ్ గురించి మాట్లాడుకుంటున్నారు. ‘బేబీ’ సినిమాలో తొలి ప్రేమను చాలా గొప్పగా చూపించారని హీరోయిన్(శ్రీ గౌరీ ప్రియ) అంటుంది. తర్వాత ‘ ‘తొలిప్రేమ’ గొప్పదైతే తల్లి దగ్గరే ఆగిపోయేది. అమ్మ ప్రేమే కదా మనకు ఫస్ట్ లవ్’ అంటూ చెప్పాడు హీరో(కిరణ్ అబ్బవరం). వీళ్ళ సంభాషణలకి మణిశర్మ అందించిన బ్యాక్ గ్రౌండ్ స్కోర్ కూడా బాగుంది.

గ్లింప్స్ అయితే ప్లెజెంట్ గా ఉంది. అయితే ఈ కథ ఆనంద్ దేవరకొండ రిజెక్ట్ చేసిందే అనే టాక్ వినిపిస్తోంది. గతంలో ఆనంద్ దేవరకొండ (Anand Deverakonda), వైష్ణవి చైతన్య (Vaishnavi Chaitanya) కాంబినేషన్లో ఓ ప్రాజెక్ట్ మొదలైంది. దానికి ‘చెన్నై లవ్ స్టోరీ’ అనే టైటిల్ ఫిక్స్ అయినట్లు కూడా టాక్ వినిపించింది. కానీ కొన్ని కారణాల వల్ల ఆ ప్రాజెక్టు సెట్ అవ్వలేదు.

ఎస్.కె.ఎన్ ఓ సందర్భంలో వైష్ణవి చైతన్య గురించి కొన్ని వివాదాస్పద వ్యాఖ్యలు చేశారు. అతని కామెంట్స్ తో వైష్ణవితో అతనికి మనస్పర్థలు ఏర్పడ్డాయని అంతా అనుకున్నారు. అందుకే ఆ ప్రాజెక్టు ఆగిపోయి ఉండొచ్చు కూడా అనే వాదన వినిపించింది. అయితే మొత్తానికి అదే కథని ఇప్పుడు కిరణ్ అబ్బవరంతో చేయబోతున్నట్టు స్పష్టమవుతుంది.

9 ఏళ్ళ ‘అఆ’ ఫైనల్ కలెక్షన్స్ ఇవే..!