కొత్త సంవత్సరం మొదలైపోయింది. కొత్త సినిమాలు వరుస కట్టడానికి సిద్ధంగా ఉన్నాయి. మొన్నీమధ్య వరకు గతేడాది ఆ హీరో ఇది చేశాడు, ఈ హీరో అది చేశాడు అని చదువుకున్నాం. అయితే గతేడాది సినిమాలతో అంతగా అలరించలేని వాళ్లు, ఈ ఏడాది అదరగొట్టాల్సిన వాళ్లు కొందరు ఉన్నారు. వాళ్ల గురించి ఇప్పుడు చూద్దాం. అంటే 2022లో ఫ్లాప్‌లు, అట్టర్‌ ఫ్లాప్‌లు ఇచ్చిన హీరోలు.. 2023లో భారీ హిట్‌ కొట్టి బౌన్స్‌ బ్యాక్‌ అవ్వాలి అన్నమాట.
* ‘వాట్ లగా దేంగే’ అంటూ గతేడాది ఆగస్టులో ‘లైగర్‌’గా వచ్చాడు. సినిమాకు వచ్చిన హైప్‌కి, సినిమాకు రిజల్ట్‌కి అస్సలు సంబంధం లేదు. సినిమాతో నిర్మాతలు ఎంత నష్టపోయారో తెలియదు కానీ.. విజయ్ మాత్రం రేసులో బాగా వెనుకబడ్డాడు. దీంతో ఈ ఏడాది భారీ హిట్‌ ఇవ్వాల్సిన పరిస్థితి ఏర్పడింది. ఆయన చేతిలో ఇప్పుడు ‘ఖుషి’ ఒక్కటే ఉంది. అది ఎప్పుడు పూర్తవుతుందో తెలియదు. మరో కొత్త సినిమా కూడా ఓపెన్‌ కాలేదు. సో విజయ్ బకప్‌.
* గతేడాది ‘ఆచార్య’తో డిజాస్టర్‌ను మూటగట్టుకున్నాడు చిరంజీవి. ‘గాడ్‌ఫాదర్‌’ సినిమాకు భారీ టాక్‌ వచ్చినా.. వసూళ్లు తుస్‌ మనిపించాయి. దీంతో ఈ ఏడాది చిరు కూడా రెడీ అవ్వాల్సి ఉంది. ‘వాల్తేరు వీరయ్య’తో సంక్రాంతికే వస్తున్నాడు చిరు. ఆ తర్వాత ‘భోళా శంకర్‌’ కూడా వస్తుంది. మరి ఫలితాలు చూడాలి.
* ఇక ప్రభాస్‌ పరిస్థితి అయితే ఇంకా ఇబ్బందికరం. పాన్‌ ఇండియా హీరోగా దూసుకుపోవాల్సిన సమయంలో ‘రాధేశ్యామ్‌’ రిజల్ట్‌తో కుదేలయ్యాడు. తిరిగి పాన్‌ ఇండియా హిట్‌ కోసం ఆయన ప్రయత్నం చేస్తున్నాడు. ఈ క్రమంలో ‘ఆదిపురుష్‌’ చేసినా.. అది విమర్శలు, ఆరోపణల మధ్యలో చిక్కుకుంది. దీంతో ‘సలార్‌’ సంగతి చూడాలి.
* సినిమాలు ఫ్లాప్ అంటే నాని ఒప్పుకోకపోవచ్చు కానీ.. 2022లో నానికి అంత మంచి ఫలితమేమీ రాలేదు. ‘అంటే సుందరానికి’ సినిమా నానిని దెబ్బకొట్టింది. ఆ సినిమా ఎఫెక్ట్‌ నుండి నాని అర్జెంట్‌గా బయటకు రావాలి. దానికి ఆయన చేస్తున్న సినిమా ‘దసరా’. లుక్‌, ఫీల్‌ బాగుంది.. సినిమా ఎలా ఉంటుందో చూడాలంతే.
* డాక్టర్‌ – పోలీసు అంటూ.. ‘ది వారియర్‌’గా 2022లో వచ్చాడు రామ్‌. ఆ సినిమాకు జనాల నుండి సరైన స్పందన రాలేదు. దీంతో ఈ ఏడాదిలో మాంచి మాస్ హిట్‌ కోసం చూస్తున్నాడు. దాని కోసం బోయపాటి శ్రీను డైరక్షన్‌లో సినిమా చేస్తున్నాడు కూడా.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
Home