నటసింహ నందమూరి బాలకృష్ణ 102 వ సినిమా టైటిల్ ఫిక్స్ అయింది. తమిళ దర్శకుడు కె.ఎస్.రవికుమార్ దర్శకత్వంలో తెరకెక్కుతున్న ఈ చిత్రానికి “కర్ణ”, “జయసింహ” అనే పేర్లు ప్రచారంలో ఉన్నాయి. చిత్ర బృందం వాటిని ఖండించి అధికారిక ప్రకటన చేసింది. బాలయ్యకి కలిసి వచ్చే పేరునే సెలక్ట్ చేసింది. సి.కె.ఎంటర్‌టైన్‌మెంట్స్‌ పతాకంపై సి. కళ్యాణ్ నిర్మిస్తున్న ఈ సినిమాకి “జై సింహా” అనే టైటిల్ ని ఖరారు చేసింది. సమరసింహారెడ్డి, నరసింహనాయుడు, లక్ష్మీనరసింహా, సింహా, పేర్లతో వచ్చిన బాలయ్య సినిమాలు విజయం సాధించాయి.
ఆ జాబితాలోకి జై సింహా చేరుతుందని అభిమానులు ఆనందం వ్యక్తం చేస్తున్నారు. నయనతార హీరోయిన్ గా నటిస్తున్న ఈ మూవీలో హరిప్రియ, నటాషాదోషిలు కీలక రోల్స్ పోషిస్తున్నారు. కొన్ని రోజుల క్రితం క్లైమాక్స్ ఫైట్ కంప్లీట్ చేసుకున్న ఈ చిత్రం ఫస్ట్‌లుక్‌ని త్వరలోనే విడుదల చేయనున్నారు.
