Vakeel Saab: ‘సూపర్ విమెన్’ సరళా దేవి గురించి ఎవ్వరికీ తెలియని విషయాలు..!

పవర్ స్టార్ పవన్ కళ్యాణ్ రీ ఎంట్రీ మూవీ అయిన ‘వకీల్ సాబ్’ ఇటీవల విడుదలై సూపర్ హిట్ టాక్ తో దూసుకుపోతున్న సంగతి తెలిసిందే. వేణు శ్రీరామ్ డైరెక్షన్లో తెరకెక్కిన ఈ చిత్రాన్ని దిల్ రాజు నిర్మించాడు. బాలీవుడ్లో సూపర్ హిట్ అయిన ‘పింక్’ మూవీకి ఇది రీమేక్. అయితే ‘పింక్’ మూవీ చాలా వరకూ కోర్టు రూమ్ డ్రామాగా సాగుతుంది. అయితే తెలుగు ప్రేక్షకుల కోసం అది కూడా పవన్ కళ్యాణ్ ఫ్యాన్స్ కోసం కొన్ని కమర్షియల్ ఎలిమెంట్స్ ను కూడా జోడించారు దర్శకుడు వేణు శ్రీరామ్.

ముఖ్యంగా సెకండ్ హాఫ్ లో వచ్చే ‘సూపర్ విమెన్’ సరళా దేవి ఎపిసోడ్ ప్రేక్షకులను విపరీతంగా ఆకట్టుకుంటుంది. ‘అల్వాల్ ఫంక్షన్ హాల్లో ఉన్న మీరు మొయినాబాద్ పోలీస్ స్టేషన్ కి సిర్ పంద్రా మినట్లో వచ్చారా అమ్మా మీరు’ అంటూ లాయర్ సత్యదేవ్(పవన్ కళ్యాణ్) లేడీ పోలీస్ అయిన సరళా దేవిని ప్రశ్నించగా.. దానికి ఆమె ‘అంత పెద్ద సంఘటన జరిగిన తరువాత ఏదైతే అదైందని జెట్ స్పీడ్లో వచ్చేసినా సర్’ అంటూ సమాధానం ఇస్తుంది. ఈ సన్నివేశానికి నవ్వులతో పాటు విజిల్స్ కూడా పడుతున్నాయి.

‘వకీల్ సాబ్’ రిలీజ్ అయిన తరువాత ఈ సరళా దేవి బాగా పాపులర్ అయిపోయింది. వరుసగా ఇంటర్వ్యూలు కూడా ఇచ్చేస్తుంది. ఇంతకీ ఈమె అసలు పేరు ఏంటో తెలుసుకోవాలని చాలా మందికి ఆసక్తిగా ఉంది. ఈమె అసలు పేరు లిరీష. ఈమె ఒక సీరియల్ ఆర్టిస్ట్. ‘అమ్మనా కోడలా’ అక్కా చెల్లెల్లు’ వంటి సీరియల్స్ లో నటించింది. తల్లి, వదిన,అత్త, అక్క వంటి పాత్రలు చేసి బుల్లితెర పై బిజీ ఆర్టిస్ట్ గా రాణిస్తోంది. గతంలో చిరంజీవి- మురుగదాస్ కాంబినేషన్లో వచ్చిన ‘స్టాలిన్’ సినిమాలో కమెడియన్ సునీల్ ను పెళ్లి చేసుకునే అమ్మాయిగా కూడా కనిపించింది.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!