పవర్ స్టార్ పవన్ కళ్యాణ్ (Pawan Kalyan) హీరోగా హరీష్ శంకర్ (Harish Shankar) దర్శకత్వంలో ‘గబ్బర్ సింగ్’ (Gabbar Singh) వంటి ఆల్ టైం బ్లాక్ బస్టర్ తర్వాత ‘ఉస్తాద్ భగత్ సింగ్’ (Ustaad Bhagat Singh) అనే సినిమా రూపొందుతున్న సంగతి తెలిసిందే. ‘మైత్రి మూవీ మేకర్స్’ సంస్థ పై వై.రవి శంకర్, నవీన్ ఎర్నేని ఈ చిత్రాన్ని ఎంతో ప్రతిష్టాత్మకంగా నిర్మిస్తున్నారు. కొంత భాగం షూటింగ్ జరిగింది. అయితే ఆంధ్రప్రదేశ్ లో ఎన్నికల సమయం కావడం, పవన్ కళ్యాణ్ తన జనసేన పార్టీ తరపున ప్రచారంలో ఉండటంతో ఈ సినిమా షూటింగ్ డిలే అవుతూ వస్తోంది.
ఈ గ్యాప్లో హరీష్ శంకర్ ‘మిస్టర్ బచ్చన్’ అనే సినిమాను తెరకెక్కిస్తున్నాడు. ఆ సినిమా కోసం పనిచేస్తూనే మరోపక్క ‘ఉస్తాద్..’ ప్రాజెక్టు పై కూడా ఇతను స్పెషల్ ఫోకస్ పెట్టినట్టు టాక్. విషయం ఏమిటంటే.. ‘ఉస్తాద్ భగత్ సింగ్’ చిత్రానికి దేవి శ్రీ ప్రసాద్ (Devi Sri Prasad) సంగీత దర్శకుడు. ఆల్రెడీ ఈ సినిమా కోసం కొన్ని ట్యూన్స్ ను హరీష్ ఫైనల్ చేయడం జరిగింది. అందులో ఒక థీమ్ సాంగ్ కూడా ఉంటుందట.
‘ఉస్తాద్ భగత్ సింగ్’ అభిమానుల కోసం ఆ థీమ్ సాంగ్ ని త్వరలో విడుదల చేయడానికి చిత్ర బృందం సన్నాహాలు చేస్తున్నట్లు వినికిడి. హరీష్ శంకర్- దేవి శ్రీ ప్రసాద్..ల కాంబోలో వచ్చిన సినిమాలు మ్యూజికల్ హిట్స్ అనిపించుకున్నాయి. ‘గబ్బర్ సింగ్’ , ‘డీజె’ (Duvvada Jagannadham) వంటి సినిమాల్లో పాటలు అన్నీ చార్ట్ బస్టర్స్ అయ్యాయి. ఇప్పుడు ‘ఉస్తాద్ భగత్ సింగ్’ కూడా అభిమానుల అంచనాలు రీచ్ అయ్యే ఛాన్సులు ఉంటాయి.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!
