ఓ మై ఫ్రెండ్ సినిమాతో దర్శకునిగా కెరీర్ ను మొదలుపెట్టిన శ్రీరామ్ వేణుకు ఆ సినిమా భారీ షాక్ ఇచ్చింది. సిద్దార్థ్, శృతిహాసన్, హన్సిక, నవదీప్ కీలక పాత్రల్లో నటించిన ఈ సినిమా బాక్సాఫీస్ దగ్గర ఫ్లాప్ గా నిలిచింది. తొలి సినిమా ఫ్లాప్ అయినప్పటికీ దిల్ రాజు శ్రీరామ్ వేణుకు మరో ఛాన్స్ ఇచ్చారు. శ్రీరామ్ వేణు డైరెక్షన్ లో రెండో సినిమాగా మిడిల్ క్లాస్ అబ్బాయి తెరకెక్కగా ఈ సినిమా యావరేజ్ టాక్ తెచ్చుకున్నా రికార్డు స్థాయిలో కలెక్షన్లను సాధించింది.
శ్రీరామ్ వేణు ఎంసీఏ సినిమాతో ప్రూవ్ చేసుకోవడంతో దిల్ రాజు పింక్ రీమేక్ అయిన వకీల్ సాబ్ సినిమాను తెరకెక్కించే ఛాన్స్ ఇచ్చారు. తెలుగు నేటివిటీకి తగినట్టు పింక్ కథలో మార్పులు చేసి శ్రీరామ్ వేణు వకీల్ సాబ్ తో హిట్ కొట్టారు. అయితే ఈ డైరెక్టర్ ను బన్నీ నమ్మట్లేదా..? అనే అనుమానాలు వ్యక్తమవుతున్నాయి. వక్కంతం వంశీ డైరెక్షన్ లో బన్నీ హీరోగా నటించిన నా పేరు సూర్య నా ఇల్లు ఇండియా ఫ్లాప్ అయిన సంగతి తెలిసిందే.
ఆ సినిమా తరువాత బన్నీ నటించబోయే సినిమాల విషయంలో ఎన్నో జాగ్రత్తలు తీసుకుంటున్నారు. వకీల్ సాబ్ హిట్ అయినా ఆ సినిమా రీమేక్ కావడంతో శ్రీరామ్ వేణుకు ఛాన్స్ ఇవ్వాలో వద్దో అని బన్నీ భయపడుతున్నారని అల్లు అర్జున్ ఫ్యాన్స్ అభిప్రాయపడుతున్నారు. మరోవైపు పుష్ప సినిమాతో బన్నీ పాన్ ఇండియా హీరోగా గుర్తింపును సంపాదించుకోబోతున్నారు. శ్రీరామ్ వేణు ఐకాన్ మూవీని పాన్ ఇండియా మూవీగా తెరకెక్కించగలడా..? లేదా..? అనే కన్ఫ్యూజన్ లో బన్నీ ఉన్నారని తెలుస్తోంది. ఐకాన్ ప్రాజెక్ట్ విషయంలో అల్లు అర్జున్ మౌనం వీడతారో లేదో చూడాల్సి ఉంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home