‘పుష్ప: ది రైజ్’ (Pushpa) సినిమాలో చాలామంది విలన్లు ఉంటారు. ఒకరిద్దరి విషయం ఇప్పటికే తేల్చేసినా.. ఇంకా కొంతమంది ఉన్నారు. వాళ్లు ‘పుష్ప: ది రూల్’ (Pushpa 2) కోసం బరిలోకి దిగుతున్నారు. ఈలోపు మరికొంతమంది విలన్లను యాడ్ చేశారు. వీరందరూ కంటే మరో విలన్ ఉన్నాడు.. ‘పుష్ప 2’ ఆఖరులో కనిపించి.. ‘పుష్ప 3’ దారి చూపిస్తాడు అని ఓ చర్చ మొదలైంది. దీంతో విలన్లతో అంత ఈజీఆనే తేలేలా లేదు అంటున్నారు.
కావాలంటే మీరే చూడండి సినిమా క్యారెక్టర్ ఆర్టిస్ట్లు కంటే విలన్లే ఎక్కువగా కనిపిస్తారు. జాలి రెడ్డి, కొండా రెడ్డి, భన్వర్ సింగ్ షెకావత్, మంగళం శ్రీను, దాక్షాయణి, సిద్ధప్ప నాయుడు, మోహన్రాజ్, మొగిలీషు.. ఇలా చాలామందే ‘పుష్ప 1’లో కనిపించారు. ఇప్పుడు రెండో ‘పుష్ప’లో వీరిలో బతికున్న పాత్రలు కంటిన్యూ అవుతాయి. దీంతో అసలు ఇంతమందిని స్క్రీన్ స్పేస్ ఎలా, వారికి ముగింపు ఎలా అనే చర్చ మొదలైంది.
ఎందుకంటే వీళ్లందరూ పుష్పను అణగదొక్కడానికి, తాము అతని కంటే గ్రేట్ అని చెప్పుకోవడానికి ప్రయత్నించినవాళ్లే. మరి వీళ్లకు ఆన్సర్ ఇవ్వకుండా సినిమా ముగియదు. దీంతో పుష్పరాజ్తో వీళ్లకు సీన్స్ వరుసపెట్టి వస్తాయి. ఈ క్రమంలో మిగిలిన సన్నివేశాలు ఎలా ఇముడుస్తారు అనేదే ఇక్కడ ప్రశ్న. ఎందుకంటే సరైన కామెడీ, హీరోయిన్తో సన్నివేశాలు లేకపోతే ఎలా ఉంటుందో ‘దేవర’ (Devara) చూశాక అందరికీ అర్థమైంది.
ఆ సినిమాలో మొత్తం ‘దేవర’, ‘వర’ అని తిరగడంతో భారీ వసూళ్లు మిస్ అయ్యాయని రచనలో తలపండిన పరుచూరి గోపాలకృష్ణనే (Paruchuri Gopala Krishna) చెప్పారు. మరి ‘పుష్ప’ విషయంలో సుకుమార్ ఈ గండం దాటి వస్తారా అనేది ఆసక్తికరంగా మారింది. అయితే ఇలాంటి పనులు ఆయనకు వెన్నతో పెట్టిన విద్య. కాబట్టి వచ్చే నెల ఐదున ఆ టాలెంట్ చూస్తాం అంటున్నారు. అప్పటివరకు ఏం చేసుంటారు అనేది ఆలోచించుకుంటూ ఉండాలి. 17న అయితే ట్రైలర్ను తీసుకొచ్చి అలరించనున్నారు.
