Sekhar Kammula: శేఖర్‌ కమ్ముల నెక్స్ట్‌ ప్లానేంటి? మనసులో ఉన్న కథలేంటి? హీరోలెవరు?

అదేదో సినిమాలో చెప్పినట్లు ఎగ్జామ్స్‌ పూర్తయ్యాక స్టూడెంట్‌ను ‘నెక్స్ట్‌ ఏంటి?’ అడిగినట్లుగా.. సినిమా పూర్తయి రిలీజ్‌కు సిద్ధమవుతున్న దర్శకుడికి, నటీనటులకు ఎదురయ్యే ప్రశ్న ‘నెక్స్ట్‌ ఏంటి?’ అనే ఎందుకంటే మహా అయితే ఓ వారం, లేదంటే రెండు వారాలు ఆ సినిమా గురించి మాట్లాడతారు. మరి కొత్త సినిమా ఏంటో చెప్పాలి కదా. అందులోనే సినిమాకు ఏడాది, రెండేళ్లు తీసుకునే దర్శకుల విషయంలో అయితే ఇంకా ఎక్కువ ఆసక్తి.

Sekhar Kammula

అలా ‘కుబేర’ సినిమా ప్రచారంలో దర్శకుడు శేఖర్‌ కమ్ములకు (Sekhar Kammula) ‘నెక్స్ట్‌ ఏంటి?’ అనే ప్రశ్న ఎదురైంది.శేఖర్‌ కమ్ముల (Sekhar Kammula) ‘లీడర్‌’ (Leader) సినిమాకు సీక్వెల్‌ చేస్తారు అని చాలా ఏళ్లుగా వార్తలు వస్తున్నాయి. ఆ మధ్య పనులు కూడా మొదలుపెట్టారు అని లీకులు వచ్చాయి. మరి ఇప్పుడు ఆలోచన ఉందా అని అడిగితే.. ‘లీడర్‌’ (Leader) సినిమాకు సీక్వెల్‌ చేయొచ్చు. ఆ కథ విషయంలోనూ నాకు స్పష్టత ఉంది. కానీ అప్పటికీ ఇప్పటికీ రాజకీయాలు మారిపోయాయి.

దేశ ప్రజలు కూడా మారిపోయారు అనిపిస్తోంది. ఇప్పుడు నా మనసులో ఉన్న కథతో అంటే చూడాలి. ప్రజల అభిరుచుల్ని జాగ్రత్తగా పట్టుకుని కథ సిద్ధం చేయాలి అని చెప్పారు.నాని (Nani) తో ఓ సినిమా చేస్తారని వార్తలొచ్చాయి. వాటి సంగేతంటి అని అడిగితే.. నాని (Nani) తో సినిమా చేయాలన్న ఆలోచనైతే ఉంది. ఆ కథపై వర్క్‌ చేయాల్సి ఉంది. ఇంకా చాలా సమయం పడుతుంది అని క్లారిటీ ఇచ్చేశారు శేఖర్‌ కమ్ముల (Sekhar Kammula) . అయితే నెక్స్ట్‌ ఏ సినిమా చేస్తారు అని సమాచారం మాత్రం ఇవ్వలేదు.

ఈసారి ఆయన మళ్లీ తన ‘మంచి కాఫీ లాంటి సినిమా’ జోనర్‌లోకి వెళ్లాలని అనుకుంటున్నారని సమాచారం. దీని కోసం ఆయన కొత్త నటీనటులను తీసుకునే ప్రయత్నంలో ఉన్నారని సమాచారం.ఇక ప్రస్తుత సినిమా ‘కుబేర’ (Kuberaa) గురించి చూస్తే.. ధనుష్‌ (Dhanush), నాగార్జున (Nagarjuna), రష్మిక (Rashmika Mandanna) మందన ప్రధాన తారాగణంతో రూపొందిన ఈ చిత్రం ఈ నెల 20న విడుదలవుతోంది. బిలియనీర్‌ వర్సెస్‌ బెగ్గర్‌ అనే కాన్సెప్ట్‌లో ఈ సినిమా ఉండనుంది.

 మళ్లీ చర్చల్లోకి టాలీవుడ్‌ హీరోల వాట్సాప్‌ గ్రూప్‌.. వాళ్లు మాత్రమే కాదట!