భాషతో సంబంధం లేకుండా పాన్ ఇండియా స్థాయిలో క్రేజ్ ను సొంతం చేసుకున్న హీరోలలో యశ్ ఒకరు కాగా యశ్ రెమ్యునరేషన్ సైతం భారీ రేంజ్ లో ఉంది. కేజీఎఫ్2 మూవీ విడుదలై ఏడాదిన్నర అవుతున్నా యశ్ కొత్త ప్రాజెక్ట్ లను ప్రకటించకపోవడం అభిమానులను ఒకింత నిరాశకు గురి చేసింది. అయితే తాజాగా యశ్ కొత్త ప్రాజెక్ట్ కు సంబంధించి అధికారికంగా షాకింగ్ అప్ డేట్స్ వచ్చాయి. టాక్సిక్ అనే టైటిల్ తో యశ్ కొత్త మూవీ తెరకెక్కుతోంది.
2025 సంవత్సరం ఏప్రిల్ 10వ తేదీన ఈ సినిమా థియేటర్లలో విడుదల కానుంది. గోవా డ్రగ్స్ మాఫియా బ్యాక్ డ్రాప్ లో ఈ సినిమా తెరకెక్కుతుండగా గీతూ మోహన్ దాస్ ఈ సినిమాకు దర్శకత్వం వహిస్తున్నారని తెలుస్తోంది. గీతూ మోహన్ దాస్ ట్రాక్ రికార్డ్ బాగుండటంతో ఆమెను నమ్మి యశ్ ఈ ఛాన్స్ ఇచ్చినట్టు ఇండస్ట్రీ వర్గాల్లో వినిపిస్తోంది. ఈ ప్రాజెక్ట్ ఒకింత రిస్కీ ప్రాజెక్ట్ అని కొంతమంది కామెంట్లు చేస్తున్నారు.
అయితే గీతూ మోహన్ దాస్ యశ్ కు కేజీఎఫ్, కేజీఎఫ్2 సినిమాలను మించిన విజయాన్ని అందించగలరా అనే ప్రశ్నలు సైతం వ్యక్తమవుతూ ఉండటం గమనార్హం. సినిమా సినిమాకు యశ్ రేంజ్ పెరగాలని భవిష్యత్తు ప్రాజెక్ట్ లతో యశ్ మార్కెట్ ను మరింత పెంచుకోవాలని అభిమానులు ఫీలవుతుండటం గమనార్హం. యశ్ కోరుకున్న విధంగా ఈ ప్రాజెక్ట్ భారీ హిట్ ను అందిస్తుందేమో చూడాలి.
టాక్సిక్ సినిమా విడుదలైన తర్వాత (Yash) యశ్ ప్రశాంత్ నీల్ కాంబినేషన్ లో ఒక సినిమా తెరకెక్కే ఛాన్స్ అయితే ఉంది. కేజీఎఫ్3 సినిమాను పట్టాలెక్కించడానికి అదే సరైన సమయమని చెప్పవచ్చు. కేజీఎఫ్3 స్క్రిప్ట్ పనులను ఇప్పటికే పూర్తి చేసిన ప్రశాంత్ నీల్ ఈ సినిమాతో మరో బ్లాక్ బస్టర్ హిట్ అందుకుంటారేమో చూడాలి. ఒక్కో సినిమాకు ప్రశాంత్ నీల్ రెండేళ్ల సమయం కేటాయిస్తున్నారు.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
