Anikha surendran: ఆ ప్రపోజల్ తో భయపడిపోయా : అనికా సురేంద్రన్

సినిమా వాళ్లకు ఉండే క్రేజ్ గురించి ప్రత్యేకంగా చెప్పనక్కర్లేదు. హీరోల కోసం ఫ్యాన్స్ అసోసియేషన్ లు ఏర్పాటు చేశారు. కొందరు హీరోయిన్ల కోసం ఏకంగా గుడి కట్టేసి పూజిస్తున్నారు. అంతగా మన ప్రేక్షకులు తారలను అభిమానిస్తుంటారు. అయితే ఒక్కోసారి ఈ అభిమానం మితిమీరిపోవడంతో తారలు చేదు అనుభవాలు ఎదుర్కొన్న సంఘటనలు కూడా ఉన్నాయి. అలాంటి పరిస్థితినే ఎదుర్కొన్నానని చెబుతోంది అనికా సురేంద్రన్. పదహారేళ్ల ఈ ముద్దుగుమ్మ అజిత్ నటించిన ‘ఎంతవాడు గానీ’, ‘విశ్వాసం’ వంటి సినిమాల్లో అజిత్ కి కూతురిగా కనిపించింది.

అలానే జయలలిత జీవితం ఆధారంగా తెరకెక్కిన ‘క్వీన్’ వెబ్ సిరీస్ లో నటించింది. త్వరలోనే ఈమె ఓ మలయాళ సినిమా ద్వారా హీరోయిన్ గా పరిచయం కానుంది. ఇదిలా ఉండగా.. తాజాగా అనికా తన ఇన్స్టాగ్రామ్ ద్వారా అభిమానులతో ముచ్చటించింది. ఈ సందర్భంగా నెటిజన్ ఓ ప్రశ్నను స్నాధించాడు. ‘నీ డై హార్డ్ ఫ్యాన్ నిన్ను ప్రేమిస్తున్నానంటూ ప్రపోజ్ చేసి ఒప్పుకోకపోతే చచ్చిపోతానని బెదిరిస్తే ఏం చేస్తావని’ అని ప్రశ్నించాడు.

దానికి అనికా స్పందిస్తూ.. తన జీవితంలో నిజంగానే అలాంటి పరిస్థితి ఎదురైందని చెప్పుకొచ్చింది. ఈమెయిల్ ద్వారా ఓ వ్యక్తి తనకు ప్రపోజ్ చేసి బెదిరించాడని చెప్పుకొచ్చింది. ఆ సమయంలో తను ఎంతగానో భయాందోళనకు గురయ్యానని తెలిపింది. కానీ తరువాత అతడు అలాంటిదేమీ చేయకపోవడంతో కుదుటపడ్డానని చెప్పుకొచ్చింది.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!