Bhagyashree Borse: క్యాడ్‌బరీ బ్యూటీకి నాలుగో ఛాన్స్‌.. స్టార్‌ హీరో సినిమాలో హీరోయిన్‌గా..

నటించి ఒక్క సినిమా కూడా విడుదల కాకుండానే.. వరుస ఛాన్స్‌లు సంపాదిస్తోంది అంటూ గత కొన్ని రోజులుగా సోషల్‌ మీడియాలో, ఇంటర్నెట్‌లో ఓ అమ్మాయి గురించి తెగ వార్తలు వస్తున్నాయి. ఎలా నటిస్తుంది, తెర మీద ఎలా కనిపిస్తుంది అనే వివరాలు ఏవీ పెద్దగా తెలియకపోయినా.. సోషల్ మీడియాలో ఆమె లుక్స్‌ చూసి, రీల్స్‌లో ఆమె నటన చూసి వరుస ఛాన్స్‌లు ఇచ్చేస్తున్నారు టాలీవుడ్‌ దర్శకులు. ఈ క్రమంలో నాలుగు సినిమాలు ఆమె చేతిలో ఉన్నాయంటున్నారు.

సినిమాల్లో అందంతో పాటుగా అదృష్టం కూడా ఉండాలి. అప్పుడే వరుస సినిమా అవకాశాలు వస్తాయి. అలా సరైన విజయం లేకపోయినా మొన్నీమధ్య వరకు శ్రీలీల (Sreeleela)  పేరు తెగ వినిపించింది. ఇప్పుడు ఆ స్థానంలో భాగ్యశ్రీ బోర్సే (Bhagyashree Borse) పేరు వినిపిస్తోంది. హరీష్ శంకర్ (Harish Shankar) దర్శకత్వంలో రవితేజ (Ravi Teja) నటిస్తున్న చిత్రం ‘మిస్టర్ బచ్చన్’లో (Mr. Bachchan) భాగ్యశ్రీనే హీరోయిన్‌. ఆ సినిమాతోనే ఆమె టాలీవుడ్‌ ఎంట్రీ ఇస్తోంది. అయితే ఈ సినిమా షూటింగ్‌ అవుతుండగానే వరుస ఆఫర్స్ వస్తున్నాయి.

విజయ్ దేవరకొండ (Vijay Devarakonda) – గౌతమ్ తిన్ననూరి (Gowtam Naidu Tinnanuri) కాంబినేషన్‌లో ఓ సినిమా తెరకెక్కుతున్న విషయం తెలిసిందే. ఈ సినిమాలో భాగ్యశ్రీనే కథానాయికక అంటున్నారు. అలాగే నాని (Nani) – సుజిత్ (Sujeeth) కాంబోలో తెరకెక్కనున్న సినిమాలో కూడా ఆమెనే యాక్ట్‌ చేస్తుందట. ఇవి కాకుండా దుల్కర్ సల్మాన్ (Dulquer Salmaan)  కొత్త సినిమాలోనూ ఆమెనే హీరోయిన్‌ అని చెబుతున్నారు. రవి అనే కొత్త దర్శకుడు త్వరలో దుల్కర్ సల్మాన్‌తో ఓ సినిమా చేస్తారట. అందులో భాగ్యశ్రీ హీరోయిన్‌గా నటిస్తుందని టాక్‌.

అమెరికా నేపథ్యంలో సాగే రామ్‌కామ్‌గా దుల్కర్‌ సల్మాన్‌  ఉంటుంది అని చెబుతున్నారు. ఈ ఏడాది ఆఖరులో ఈ సినిమా షూటింగ్‌ ప్రారంభమవుతుందట. అలాగే వచ్చే సమ్మర్‌లో రిలీజ్‌ చేయాలని టీమ్‌ ప్లాన్‌ చేస్తోంది. అలా రాబోయే ఏడాదిలో భాగ్యక్ష బోర్సే లైనప్‌ భారీగా ఉంది. చూడాలి ఈ టైమ్‌లో ఇంకా ఎన్ని సినిమాలు ఓకే చేస్తుందో?