దివి వాద్త్యా (Divi Vadthya) … బిగ్‌బాస్‌ తెలుగు షోతో ఎక్కువమందికి తెలిసినా… అంతకుమందే గ్లామర్‌ ఫొటో షూట్లతో కుర్రకారుకు బాగా పరిచయం ఉన్న పేరే. ఆ రియాలిటీ షోతో పాపులర్‌ అయిన తెలుగు అందం… నటనలోనూ, అందాల ఆరబోతలోనూ తాను డిఫరెంట్‌ అని చెప్పింది. హీరోయిన్, సహాయ నటి ఇలా వచ్చిన ప్రతీ అవకాశాన్ని సద్వినియోగం చేసుకుంటూ అలరిస్తోంది. పెద్ద హీరోల సినిమా సహాయ నటి అయినా మంచి పాత్ర అయితే చాలు అనుకుంది. చిన్న హీరోలతో హీరోయిన్ అవ్వడానికి సిద్ధమైంది.
ఈ క్రమంలో ‘లంబసింగి’ (Lambasingi) అనే సినిమా శుక్రవారం ప్రేక్షకుల ముందుకు వచ్చింది. ఈ నేపథ్యంలో ఆమె మీడియాతో మాట్లాడుతూ కొన్ని ఆసక్తికర విషయాలు చెప్పుకొచ్చారు. కెరీర్ ఎలా మొదలైంది అనే విషయం చెప్పిన ఆమె… తనకెంతో ఆప్తుడైన ఒక వ్యక్తి మరణం తనలో స్ఫూర్తిని నింపిందని తెలిపారు. దీంతో ఆ వ్యాఖ్యలు ఇప్పుడు వైరల్‌గా మారాయి. ఆ వ్యక్తి ఎవరు అంటూ ప్రశ్నలు వస్తున్నాయి. ఆ విషయం తర్వాత ఆమెనే చెప్పాలి. అయితే ముందు ఏం చెప్పిందో చూద్దాం.
గతంలో తానొక అబ్బాయిని ప్రేమించానని, అతను తనను గౌరవించేవాడని చెప్పింది. కొద్ది రోజుల తర్వాత తమ ప్రేమ విషయం ఇరు కుటుంబాలకు తెలిసింది అని చెప్పింది. ఆ వ్యక్తి తమ్ముడు తనతో ఫ్రెండ్‌లా ఉండేవాడట. అయితే కొన్ని కారణాల వల్ల చనిపోయాడట. ఆ క్షణమే తాను చనిపోయేలోపు ఏదైనా సాధించాలనుకున్నానని దివి చెప్పింది. దాని కోసం తనకెంతో ఇష్టమైన సినీ రంగంలోకి అడుగుపెట్టి నటిగా నిరూపించుకోవాలనుకున్నాను అని చెప్పింది దివి.
అయితే తాను ప్రేమించిన అబ్బాయితో రిలేషన్‌షిప్‌ వర్కౌట్‌ కాలేదని, అతడికి ఇప్పుడు వేరే అమ్మాయితో పెళ్లైందని చెప్పింది. ఆ అబ్బాయి ఇప్పుడు సంతోషంగా ఉన్నాడని చెప్పిన ఆమె… బ్రేకప్‌ తర్వాత తిరిగి రిలేషన్‌లోకి వెళ్లాలనే ఉద్దేశం రాలేదని తెలిపింది. దానికి తోడు తనకు కావాల్సిన లక్షణాలు ఉన్న అబ్బాయి దొరకలేదని అని కూడా చెప్పింది. అయితే ఆ అబ్బాయి ఎవరు అనేది మాత్రం ఆమె చెప్పలేదు.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!
Home