Mathu Vadalara: ‘మత్తు వదలరా’ రెండో పార్టుకు రంగం సిద్ధం… ఎన్ని రోజుల్లో అంటే?

December 20, 2023 / 10:44 AM ISTByFilmy Focus

Join Us

Mathu Vadalara: ‘మత్తు వదలరా’ రెండో పార్టుకు రంగం సిద్ధం… ఎన్ని రోజుల్లో అంటే?

కొన్ని సినిమాల గురించి మాట్లాడినప్పుడు రెండో పార్టు ఉందా? ఉంటే ఎప్పుడొస్తుందో చెప్పు? అని పూనకం వచ్చినట్లు ఊగిపోతుంటారు సినిమా జనాలు. ఎందుకంటే కొత్తగా, వింతగా, వైవిధ్యంగా, విడ్డూరంగా ఆ సినిమా కాన్సెప్ట్‌లు, కథలు ఉంటాయి కాబట్టి. అలాంటి సినిమాల్లో ‘మత్తు వదలరా’ ఒకటి. సినిమా పేరు, లుక్‌లు, టీజర్‌, ట్రైలర్‌తో ఈ సినిమా ఎక్కడి లేని బజ్‌ను సంపాదించుకుంది. రిలీజ్‌ అయ్యాక మంచి పేరు కూడా సంపాదించుకుంది.

ఇప్పుడు ఈ సినిమా గురించి ఎందుకు అనుకుంటున్నారా? ఎందుకంటే ఈ సినిమాకు రెండో పార్టు తీయడానికి రంగం సిద్ధమవుతోంది కాబట్టి. మూడేళ్ల క్రితం వచ్చిన ‘మత్తువదలరా’ టీమ్‌ గుర్తుందిగా… వాళ్లేనండీ శ్రీసింహ కోడూరి, నరేశ్ అగస్త్య, సత్య, రితేశ్‌ రాణా. వాళ్లే ఇప్పుడు రెండో పార్టు కూడా చేస్తారట. అన్నీ అనుకున్నట్లుగా జరిగితే త్వరలోనే సినిమా అనౌన్స్‌మెంట్, షూటింగ్ ప్రారంభం ఉంటాయి అని చెబుతున్నారు.

Mathu Vadalara Movie Review3

2019లో ఎలాంటి అంచనాలు లేకుండా వచ్చిన ‘మత్తు వదలరా’ సాధించిన విజయం సినిమా పరిశ్రమలో కొత్త తరహా కథలకు విజయం పక్కా అని మరోసారి నిరూపించింది. కొత్త కుర్రాళ్లతో ఆ సినిమా చేసిన రితేష్ ఇప్పుడు ‘మత్తు వదలరా 2’ ప్లాన్‌ చేశారట. దీనికి సంబంధించి స్క్రిప్ట్ వర్క్‌ కూడా దాదాపు అయిపోయిందట. ఫిబ్రవరిలో షూటింగ్ మొదలుపెట్టి జూన్ నాటికి పూర్తి చేసేద్దాం అనుకుంటున్నారట. వన్స్‌ అంతా ఓకే అంటే దసరా సందర్భంగా సినిమాను రిలీజ్‌ చేసేయాలనే ఆలోచనలో ఉన్నారట.

నాలుగు నెలల్లో చిత్రీకరణ అయిపోయేలా ప్లాన్‌ చేస్తున్నారట. సంగీత దర్శకుడిగా కాల భైరవ చేస్తారని, సినిమాలో సత్య, శ్రీ సింహ, నరేశ్‌ అగస్త్య పక్కాగా ఉంటారు అని అంటున్నారు. అయితే ఇతర నటుల కోపం ఈ సినిమాలో కోసం కాస్టింగ్‌ కాల్‌ ఉండొచ్చు అని చెబుతున్నారు. తొలి పార్టుకు ఆఖరులో చేరిన మైత్రీ మూవీ మేకర్స్‌ ఈ సారి స్టార్టింగ్‌ నుండి ఉంటుందట. సినిమా (Mathu Vadalara) అనౌన్స్‌మెంట్‌ నాడు మరిన్ని వివరాలు తెలుస్తాయి అంటున్నారు.