పాన్ ఇండియా స్టార్ హీరో ప్రభాస్ ఇటీవల సలార్ సినిమా ద్వారా ప్రేక్షకుల ముందుకు వచ్చారు. డైరెక్టర్ ప్రశాంత్ నీల్ దర్శకత్వంలో తెరకెక్కిన ఈ సినిమా డిసెంబర్ 22వ తేదీ ప్రపంచవ్యాప్తంగా అత్యధిక థియేటర్లలో విడుదల అయ్యి మొదటి షో నుంచి మంచి టాక్ సొంతం చేసుకుంది. ఇక ఈ సినిమా ఎంతో మంచి విజయం కావడంతో అభిమానులు కూడా సంతోషం వ్యక్తం చేశారు. అయితే బాక్స్ ఆఫీస్ వద్ద సలార్ హంగామా కాస్త తగ్గిందనే చెప్పాలి.
ఈ సినిమా విడుదలైన రోజు వెయ్యికోట్ల క్లబ్లో చాలా ఈజీగా చేరుతుందని అందరూ భావించారు కానీ ఈ సినిమా కలెక్షన్లు చూస్తే కనుక 1000 కోట్లు క్లబ్ లోకి చేరటం కాస్త కష్టతరమే అని తెలుస్తుంది. ప్రస్తుతం ఈ సినిమా ప్రపంచవ్యాప్తంగా 600 కోట్ల కలెక్షన్ లోనే రాబట్టినట్టు తెలుస్తుంది. అయితే ఈ సినిమా కలెక్షన్స్ తగ్గడానికి గల కారణాల గురించి బాహుబలి నిర్మాత శోభు యార్లగడ్డ మాట్లాడుతూ చేసినటువంటి కామెంట్స్ వైరల్ అవుతున్నాయి.
ఈ సందర్భంగా శోభు యార్లగడ్డ మాట్లాడుతూ సలార్ సినిమాకు ఇలా కలెక్షన్లు తక్కువ రావడానికి కారణం తూతూ మంత్రంగా నిర్వహించినటువంటి ప్రమోషన్ కార్యక్రమాలే కారణమని తెలిపారు. అనుకున్న స్థాయిలో ఈ సినిమా ప్రమోషన్ కార్యక్రమాలను నిర్వహించలేదని అందుకే కలెక్షన్స్ పూర్తిగా తగ్గాయి అంటూ శోభు యార్లగడ్డ తెలిపారు. ఈ సినిమా ప్రమోషన్లలో భాగంగా ఖన్సార్ సభ్యులతో పలు ప్రాంతాలలో ఇంటర్వ్యూలు కనుక నిర్వహించి ఉంటే సినిమా కలెక్షన్స్ మరో స్థాయిలో ఉండేదని తెలిపారు.
తాము బాహుబలి విషయంలో ఇలాగే చేశామని నేనే కనుక ఈ సినిమా ప్రొడ్యూసర్ అయి ఉంటే తప్పకుండా ఇదే పని చేసే వాడిని అంటూ ఈ సందర్భంగా బాహుబలి నిర్మాత కలెక్షన్ల గురించి మాట్లాడినటువంటి వ్యాఖ్యలు వైరల్ అవుతున్నాయి. అయితే కొంతమంది ఈయన వ్యాఖ్యలు అక్షరాల నిజం అంటూ సమర్థిస్తున్నారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home
