బోయపాటి సినిమాకి క్రేజీ డీల్!

February 10, 2021 / 01:12 PM ISTByFilmy Focus

Join Us

నందమూరి బాలకృష్ణ-బోయపాటి కాంబినేషన్ లో సినిమా రాబోతున్న సంగతి తెలిసిందే. ఇప్పటికే వీరి కాంబినేషన్ లో వచ్చిన ‘సింహా’, ‘లెజెండ్’ సినిమాలో భారీ విజయాలు అందుకోవడంతో ఈ సినిమాపై అంచనాలు పెరిగిపోయాయి. దానికి తగ్గట్లే సినిమా బిజినెస్ కూడా జరుగుతోంది. నిజానికి ఈ మధ్యకాలంలో బాలయ్య ఒక్క సక్సెస్ ని కూడా అందుకోలేకపోయాడు. బోయపాటి చివరిగా తీసిన ‘వినయ విధేయ రామ’ సినిమా కూడా ప్లాప్ అవ్వడంతో.. వీరి కాంబోలో వస్తోన్న సినిమాకి ఏ మేరకు బిజినెస్ జరుగుతుందోననే సందేహాలు కలిగాయి.

కానీ ఈ కాంబినేషన్ మీద ఉన్న నమ్మకం వలనో.. నందమూరి ఫ్యామిలీపై ఉన్న ప్రేమ వలనో గానీ బిజినెస్ మాత్రం ఓ రేంజ్ లో జరుగుతోంది. ఒక్క ఆంధ్ర ఏరియాను రూ.35 కోట్ల రేషియోలో బిజినెస్ చేయడం నిజంగా విశేషమనే చెప్పాలి. ఆ లెక్కల్లోనే నైజాం, సీడెడ్ కూడా క్లోజ్ చేస్తున్నారట. ఓవరాల్ సినిమాకి రూ.55 కోట్ల వరకు థియేట్రికల్ బిజినెస్ జరిగిందని చెబుతున్నారు. అన్ని ఏరియాల్లో కూడా బాలయ్య కెరీర్ లో హయ్యెస్ట్ రేట్లు పలికినట్లు సమాచారం.

ఈ సినిమా అనంతపురం బ్యాక్ డ్రాప్ లో నడుస్తుందని తెలుస్తోంది. సినిమాలో బాలయ్య మూడు షేడ్స్ ఉన్న పాత్రల్లో కనిపిస్తారట. అందులో ఒకటి అఘోరా పాత్ర అట. ప్రస్తుతం ఈ సినిమా షూటింగ్ హైదరాబాద్ రామోజీ ఫిలిం సిటీలో జరుగుతోంది. మిర్యాల రవీందర్ రెడ్డి నిర్మిస్తోన్న ఈ సినిమాలో ప్రగ్యా జైస్వాల్ హీరోయిన్ గా నటిస్తోంది.