Balakrishna: ‘చోర్ బజార్’ ట్రైలర్ లాంచ్ లో బాలకృష్ణ కామెంట్స్ వైరల్..!

నందమూరి బాలకృష్ణతో పూరి సత్సంబంధాలు మెయింటైన్ చేస్తూనే ఉన్నారు. పూరి జగన్నాథ్ సినిమాలకి సంబంధించి ఎటువంటి సాయం చేయడానికైనా బాలయ్య ముందుంటున్నారు. తాజాగా పూరి తనయుడు ఆకాష్ పూరి హీరోగా నటిస్తున్న ‘చోర్ బజార్’ ట్రైలర్ ను విడుదల చేశారు బాలయ్య. గెహన సిప్పీ హీరోయిన్ గా నటిస్తున్న ఈ చిత్రానికి ‘దళం’, ‘జార్జి రెడ్డి’ వంటి చిత్రాలను తెరకెక్కించిన జీవన్ రెడ్డి దర్శకత్వం వహించాడు. ‘ఐ.వి ప్రొడక్షన్స్’ బ్యానర్ పై వీ.ఎస్ రాజు ఈ చిత్రాన్ని నిర్మించారు.

త్వరలోనే ఈ చిత్రం ప్రేక్షకుల ముందుకు రానుంది.ఇక ‘చోర్ బజార్’ ట్రైలర్ ను బాలకృష్ణ చేతుల మీదుగా లాంచ్ చేయించాలని భావించిన చిత్ర బృందానికి … బాలయ్యకి తీరిక లేదనే విషయం తెలుసుకుని నిరాశచెందారు. అయినప్పటికీ ‘బాలయ్య 107’ మూవీ సెట్స్ కి వెళ్లి మరీ తమ ట్రైలర్ ను ఆయన చేతుల మీదుగా విడుదల చేయించారు. ట్రైలర్ లాంచ్ చేసిన తర్వాత బాలకృష్ణ మాట్లాడుతూ…” ‘చోర్ బజార్’ ట్రైలర్ చాలా బాగుంది, టైటిల్ కూడా ఆకట్టుకునే విధంగా ఉంది.

‘పైసా వసూల్’ చిత్రం నుండి పూరి జగన్నాథ్ కుటుంబంతో నాకు మంచి అనుబంధం ఏర్పడింది. ఆకాష్ పూరి ఈ చిత్రంతో మంచి విజయం సాధించాలని కోరుకుంటున్నాను. చిత్ర బృందం అందరికీ ఆల్ ది బెస్ట్. మన తెలుగు వారికి సినిమా కూడా నిత్యావసరమే. కరోనా సమయంలో థియేటర్లకు ప్రేక్షకులు రావడం తగ్గించారు.

కానీ ఆ తర్వాత మళ్లీ మన సినిమాలు మంచి వసూళ్లు సాధించడం ఆనందంగా ఉంది. విభిన్న కథా చిత్రాలకు ప్రేక్షకులు పెద్ద పీట వేస్తున్నారు. ‘చోర్ బజార్’ కూడా అలాంటి చిత్రం అవుతుంది అని ఆశిస్తున్నాను” అంటూ చెప్పుకొచ్చారు.

మేజర్ సినిమా రివ్యూ & రేటింగ్!

Most Recommended Video

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!

Share.